Devara Update : ‘దేవర’పై అప్‌డేట్.. కానీ నిరాశలో రామ్ చరణ్ అభిమానులు
Devara Update, Game Changer Poster
Devara Update : యంగ్ టైగర్ ఎన్టీఆర్, కొరటాల శివ కాంబోలో రాబోతున్న మూవీ ‘దేవర’. అయితే ఈ సినిమా ఏప్రిల్ 5న వస్తుందని గతంలో అంతా ప్లాన్ చేశారు. కానీ షూటింగ్, తదితర కారణాల వల్ల వాయిదా పడింది. అయితే ఇప్పుడు ఈ సినిమా రిలీజ్ పై సస్పెన్స్ కు తెరపడింది. తారక్ అభిమానులను ఉర్రూతలూగించిన మేకర్స్ అక్టోబర్ 10, 2024 రిలీజ్ చేస్తున్నట్లు ప్రకటించారు. ఈ ప్రకటన ఖచ్చితంగా మెగా అభిమానులకు షాక్ ఇచ్చింది.
లెజెండరీ డైరెక్టర్ ఎస్ శంకర్ దర్శకత్వంలో రామ్ చరణ్ నటిస్తున్న సినిమా ‘గేమ్ ఛేంజర్’. డైరెక్టర్ శంకర్ చాలా వేగంగా సినిమాలు చేస్తారు. కానీ గేమ్ ఛేంజర్ మాత్రం చలా కాలంగా ఆలస్యమవుతూ వస్తుంది. దీంతో రామ్ చరణ్ అభిమానులు ఆందోళనకు గురవుతున్నారు. అయితే తాజాగా వచ్చిన అప్ డట్స్ ప్రకారం ఈ సినిమా నిర్మాత దిల్ రాజు దసరాకు గేమ్ ఛేంజర్ ను లాక్ చేశారని, అందుకే అన్ని షెడ్యూల్స్ అనుకున్నట్లుగా జరుగుతున్నాయని అభిమానులు నమ్మడం మొదలుపెట్టారు. ఇప్పుడు దేవర ఆ డేట్ లాక్ చేయడంతో రామ్ చరణ్ సినిమా రావడం లేదనే స్పష్టమైన సంకేతాలు అందుతున్నాయి.
దేవర టీం నుంచి ఈ ప్రకటన వచ్చినప్పటి నుంచి రామ్ చరణ్ అభిమానులు ‘గేమ్ ఛేంజర్’ ఎప్పుడు రిలీజ్ చేస్తారని చర్చించుకుంటున్నారు. దిల్ రాజు ఇప్పటి వరకు తన ప్రాజెక్టులను ఎక్కువగా సంక్రాంతికి లాక్ చేశారు. వాటిలో భాగంగానే గేమ్ ఛేంజర్ కూడా 2025 జనవరి సంక్రాంతికి ప్రేక్షకుల ముందుకు తీసుకురావచ్చా? లేక గేమ్ ఛేంజర్ ఎప్పుడు వస్తుంది? దీపావళికా? డిసెంబర్? లేక 2025 సమ్మర్ కోసమా? ఇవీ ప్రస్తుతం మెగా అభిమానులను వేధిస్తున్న ప్రశ్నలు!.