Devara OTT : దేవర ఓటీటీ రిలీజ్ డేట్ ఫిక్స్.. ఎప్పటి నుంచి అంటే?
Devara OTT
Devara OTT : యంగ్ టైగర్ ఎన్టీఆర్ నటించిన దేవర చిత్రం బాక్సాఫీస్ వద్ద హిట్టుగా నిలిచి మంచి వసూళ్లను సాధించింది. ఈ సినిమా ప్రపంచ వ్యాప్తంగా రూ.300 కోట్లకు పైగా వసూలు చేసి అందరినీ ఆశ్చర్యపరిచింది. ఈ సినిమాలో జూనియర్ ఎన్టీఆర్‌తో పాటు జాన్వీ కపూర్ హీరోయిన్ గా, సైఫ్ అలీ ఖాన్ విలన్ గా కనిపించారు. ఇప్పుడు ఈ చిత్రం ఓటీటీ ప్లాట్‌ఫామ్‌లో స్ర్టీమింగ్ కావడానికి సిద్ధంగా ఉంది. దేవర నవంబర్ 8 నుంచి నెట్‌ఫ్లిక్స్‌లో స్ట్రీమింగ్ కానుందని తెలుస్తున్నది. ఈ సినిమా ఓటీటీ హక్కులను నెట్‌ఫ్లిక్స్ కొనుగోలు చేసిన విషయం తెలిసిందే.
సెప్టెంబర్ 27న థియేటర్లలో..
దేవర చిత్రంలో సౌత్ తో పాటు బాలీవుడ్ స్టార్లు నటించిన విషయం తెలిసిందే. అన్ని భాషల ప్రేక్షకులు ఈ సినిమాను ఆదరించాలనే ఉద్దేశంతో బహు భాషా నటులను ఇందులో తీసుకున్నారు. ఈ చిత్రం విడుదలైన అన్ని సెంటర్లలో మంచి కలెక్షన్లు రాబట్టింది. ఈ చిత్రం ప్రపంచ వ్యాప్తంగా రూ.300 కోట్లకు పైగా కలెక్షన్లు సాధించింది. నవంబర్ 8 తర్వాత ఈ చిత్రాన్ని నెట్‌ఫ్లిక్స్‌లో చూడవచ్చు.
బాలీవుడ్ డెబ్యూకి రెడీకి అవుతున్న ఎన్టీఆర్..
యంగ్ టైగర్ జూనియర్ ఎన్టీఆర్ కూడా బాలీవుడ్ అరంగేట్రం కోసం రెడీ అవుతున్నాడు. తెలుగులో ఎన్నో సూపర్‌హిట్‌ చిత్రాలతో స్టార్ హీరోగా ఎదిగిన జూనియర్ ఎన్టీఆర్‌కి ఇదే తొలి బాలీవుడ్ చిత్రం. ఎన్టీఆర్ త్వరలో విడుదల కానున్న ‘వార్ -2’ చిత్రంలో కనిపించబోతున్నాడు. బాక్సాఫీస్ వద్ద హిట్ అయిన వార్ చిత్రానికి సీక్వెల్ గా ఈ సినిమాని తెరకెక్కి్స్తున్నారు. ఈ చిత్రంలో జూనియర్ ఎన్టీఆర్‌తో పాటు హృతిక్ రోషన్ ప్రధాన పాత్రలో నటిస్తున్నాడు. అయితే ఈ సినిమా విడుదల తేదీ మాత్రం ఇంకా విడుదల కాలేదు. అయితే ఈ సినిమా కోసం జూనియర్ ఎన్టీఆర్ అభిమానులు చాలా ఆసక్తిగా ఉన్నారు. మరి ఈ సినిమా బాక్సాఫీస్ వద్ద వార్ ను మించిన సక్సెస్ అవుతుందో లేదో చూడాలి.