Devara : అమెరికాలో జూనియర్ ఎన్టీఆర్ అభిమానులు ఆకాశమే హద్దుగా చెలరేగిపోయారు. తమ అభిమాన సినిమా చూసిన ఆనందంలో వారంతా ఈలలు, గోలలు, కాగితాలు విసురుతూ సందడి చేశారు. అయితే ఎన్టీఆర్ ఫ్యాన్స్ ఈ రచ్చకు పాపం అమెరికాలోని సినిమా థియేటర్ యజమానులు సిబ్బంది అష్టకష్టాలు పడ్డారు. ఎందుకంటే సినిమా హాల్ నిండా అభిమానులు విసిరిన చిత్తు కాగితాలు కనిపించాయి. దీంతో షో ముగిశాక ఆ చెత్త చూసి తలలు పట్టుకున్న హాల్ యాజమాన్యం ఎలా ఊడ్చి మరో షోకు రెడీ చేయాలో తెలియక కంగారుపడ్డ పరిస్థితులు నెలకొన్నాయి.జూనియర్ ఎన్టీఆర్ మేనియా చూపించే ఆ వీడియో తాజాగా సోషల్ మీడియాలో వైరల్ అవుతోంది.
అభిమానులు ఎంతో ఆసక్తిగా ఎదురుచూసిన తెలుగు చిత్రం దేవర: పార్ట్ 1 నేడు ప్రపంచవ్యాప్తంగా పాజిటివ్ స్పందన వచ్చింది.. డైనమిక్ జూనియర్ ఎన్టీఆర్, ఆకర్షణీయమైన జాన్వీ కపూర్‌తో కలిసి నటించిన ఈ చిత్రానికి శివ కొరటాల దర్శకత్వం వహించారు.
ఉత్తర అమెరికా బాక్సాఫీస్ వద్ద ప్రీ-సేల్స్‌తో సంచలనాన్ని సృష్టించింది. ఈ చిత్రం ఇప్పుడు దాని ప్రీమియర్‌ల నుండి భారీ స్పందనను చూస్తోంది. ఇప్పటివరకు $2.8 మిలియన్లు అమెరికాలో వసూలు చేసింది. ప్రీమియర్‌ల నుండి అత్యధిక వసూళ్లు చేసిన భారతీయ చిత్రాలలో ఒకటిగా నిలిచింది. మొదటి వారాంతం ముగిసే సమయానికి $6 మిలియన్లను అధిగమించగలదని అంచనాలు ఉన్నాయి. యూఎస్ బాక్సాఫీస్ వద్ద దేవర ఎలాంటి రికార్డులను బద్దలు కొడుతుందో చూడాలి.
