Devara : రికార్డులు బ్రేక్ చేస్తున్న దేవర.. మొదటి రోజు కలెక్షన్లు ఎంతో తెలుసా?

Devara

Devara First Day collections : తెలుగు సినిమా స్థాయిని దేవర మరో రేంజ్ కు తీసుకుపోయింది. తెలుగులో ఇప్పుడు భారీ బడ్జెట్ చిత్రాలు ఎక్కువగా రావడం ఆనవాయితీగా మారిపోయింది. మొన్నటికి మొన్న కల్కి మూవీ రికార్డులు బ్రేక్ చేసింది. కాగా దేవర మూవీ సరికొత్త రికార్డులు క్రియేట్ చేస్తూ దూసుకుపోతుంది. యంగ్ టైగర్ జూనియర్ ఎన్టీఆర్ నటించిన దేవర మూవీ.. కోస్టల్ ఏరియా బ్యాక్ డ్రాప్ తో విడుదలైంది.

విడుదలకు ముందే భారీ హైప్ క్రియేట్ చేసుకున్న ఈ మూవీ ప్రీమియర్ షోల నుంచే హిట్ టాక్ అందుకుని మొదటి రోజే వందల కోట్ల కలెక్షన్లు చేస్తూ దూసుకుపోతుంది. ఓపెనింగ్స్ లో ఫుల్ జోష్ చూపెడుతోంది. మొదటి రోజు దేవర కలెక్షన్లు చూస్తే దిమ్మతిరిగిపోద్ది. దేవర సినిమాలో శ్రీదేవి కూతురు జాన్వీ కపూర్ హీరోయిన్ గా నటించగా.. సైఫ్ అలీఖాన్ విలన్ పాత్ర పోషించారు. ఈ మూవీని నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు కలిసి సంయుక్తంగా నిర్మించారు.

చిత్రానికి అనిరుధ్ మ్యూజిక్ అందించగా.. శ్రీకాంత్, చాకో, అజయ్, ప్రకాశ్ రాజ్, మెయిన్ రోల్స్ లో నటించారు. ‘దేవర’ మూవీకి నైజాంలో రూ. 44 కోట్లు, సీడెడ్‌లో రూ. 22 కోట్లు, ఆంధ్ర రూ. 46.55 కోట్లతో మొదటి రోజే తెలుగులో రూ. 112.55 కోట్లకు కలెక్షన్లు చేసి రికార్డులు తిరగరాసింది. కర్ణాటకలో రూ. 16 కోట్లు, రెస్టాఫ్ ఇండియా ఫ్లస్ హిందీలో రూ. 20 కోట్లు, కేరళలో రూ. కోటి, తమిళనాడులో రూ. 6 కోట్లు వసూలు చేసింది. దీంతో ఓవర్సీర్ లో కలెక్ట్ చేసిన రూ. 27 కోట్లతో ఈ సినిమా రూ.182.35 కోట్ల తో మొదటి రోజే దుమ్ము దులిపేసింది. మూవీకి సంబంధించి అన్ని రివ్యూలు కూడా పాజిటివ్ గానే రావడంతో కలెక్షన్లు ఊపందుకున్నాయి. మొదటి రోజు ఈ సినిమకు రెస్పాన్స్ సూపర్ గా వచ్చింది.