OG Records : పవన్ కళ్యాణ్ ‘ఓజీ’ రికార్డ్స్ కి దరిదాపుల్లోకి రాలేకపోయిన ‘దేవర’ గ్లిమ్స్ వీడియో!

OG Records, Devara Movie

OG Records : యంగ్ టైగర్ ఎన్టీఆర్ మరియు కొరటాల శివ కాంబినేషన్ లో తెరకెక్కుతున్న ‘దేవర’ చిత్రానికి సమందించిన గ్లిమ్స్ వీడియో ని కాసేపటి క్రితమే మేకర్స్ విడుదల చేసిన సంగతి తెలిసిందే. ఈ వీడియో కి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది. మామూలు కమర్షియల్ సినిమాల్లో సందేశాన్ని జోడించి, అదే ఫార్ములా తో కెరీర్ ని నడిపించిన కొరటాల శివ లో ఈ యాంగిల్ కూడా ఉందా అని ఫ్యాన్స్ తో పాటుగా ఆడియన్స్ కూడా ఆశ్చర్యపోయారు.

ఎందుకంటే ఆయన గత చిత్రం ‘ఆచార్య’ కమర్షియల్ గా పెద్ద డిజాస్టర్ అయ్యింది. కొరటాల శివ ఇప్పట్లో కోలుకోవడం కష్టమే అని అందరూ అనుకున్నారు. అలాంటి సమయం లో ఈ రేంజ్ క్వాలిటీ మేకింగ్ ని చూసి ఒక్కసారిగా అందరికీ ఫ్యూజులు ఎగిరాయి. కానీ అనిరుద్ బ్యాక్ గ్రౌండ్ మ్యూజిక్ విషయం లో కాస్త జాగ్రత్తలు తీసుకొని ఉంటే ఇంకా బాగుండేది అని అందరికీ అనిపించింది.

ఇది ఇలా ఉండగా ఎన్టీఆర్ ఫ్యాన్స్ ఈ గ్లిమ్స్ విడుదలకు ముందు భారీ రికార్డ్స్ పెట్టాలని పెద్ద ఎత్తున ప్లాన్ చేసుకున్నారు. ఈ గ్లిమ్స్ కి ముందు గత ఏడాది విడుదలైన పవర్ స్టార్ పవన్ కళ్యాణ్ ‘ఓజీ’ గ్లిమ్స్ పేరిట అన్నీ రికార్డ్స్ ఉన్నాయి. ఎన్టీఆర్ ఫ్యాన్స్ సోషల్ మీడియా లో చేస్తున్న ప్లానింగ్ ని చూసి, కచ్చితంగా ఓజీ రికార్డ్స్ ని బద్దలు కొట్టేస్తారని పవన్ కళ్యాణ్ ఫ్యాన్స్ సైతం భావించారు. కానీ ‘దేవర’ గ్లిమ్స్ వీడియో ‘ఓజీ’ కి దరిదాపుల్లోకి కూడా రాలేకపోయింది. ఫాస్టెస్ట్ లక్ష లైక్స్ దగ్గర నుండి, ఒక్కటంటే ఒక్క రికార్డుని కూడా దేవర చిత్రం ‘ఓజీ’ గ్లిమ్స్ రికార్డ్స్ ని ముట్టుకోలేకపోయింది.

ఓజీ గ్లిమ్స్ వీడియో కి 24 గంటల్లో దాదాపుగా 8 లక్షల లైక్స్ వచ్చాయి. అంతకు ముందు గ్లిమ్స్ లైక్స్ రికార్డ్స్ కూడా పవన్ కళ్యాణ్ ఫ్యాన్స్ పేరిటనే ఉండేవి. భీమ్లా నాయక్ నాయకి గ్లిమ్స్ వీడియో అప్పట్లో 7 లక్షల 70 వేల లైక్స్ ని 24 గంటల్లో రాబట్టింది. ఆ రికార్డుని మళ్ళీ పవన్ కళ్యాణ్ ‘ఓజీ’ గ్లిమ్స్ తోనే బద్దలు కొట్టాడు. ఇప్పుడు ‘ఓజీ’ రికార్డు ని కొట్టాలంటే మళ్ళీ పవన్ కళ్యాణ్ సినిమా గ్లిమ్స్ కి తప్ప ఎవరికీ సాధ్యం కాదంటూ, పవర్ స్టార్ ఫ్యాన్స్ సోషల్ మీడియా లో కామెంట్స్ చేస్తున్నారు.