Raashii Khanna : అన్ని ఉన్నా ఆ హీరోయిన్ ‘రాశి’ బాగాలేదు

Raashii Khanna

Raashii Khanna : ఫిలిం ఇండస్ర్టీలో ఒకసారి సక్సెస్ వచ్చిందంటే కొన్నేళ్ల పాటు అవకాశాలకు కొదవ ఉండదు.  దీపం ఉన్నప్పుడే ఇల్లు చక్కబెట్టుకోవాలనే చందంగా ఫిలిం ఇండస్ట్రీ వాళ్ల పరిస్థితి. ఇక నటీనటుల గురించి ఈ విషయంలో ప్రత్యేకంగా చెప్పుకోనక్కర్లేదు.  ఒక్క హిట్టు పడితే చాలు తమకు సినిమాలు చేసి పెట్టమని ఖాళీ చెక్కులతో కాల్షీట్ల కోసం వెంట పడుతుంటారు.  ఇక హీరోయిన్ల కైతే అవకాశాలు కుప్పలు తెప్పలుగా వచ్చిపడుతుంటాయి. ఒక్క సినిమా హిట్టయితే  దాదాపు ఐదేళ్ల పాటు  బిజీగా మార్చేస్తుంది. కానీ ఇక్కడ ఓ హీరోయిన్ మాత్రం  గ్లామర్, పెర్ఫామెన్స్ బాగున్నా ఎందుకో అవకాశాలు రాక చిన్నబుచ్చుకుంటుంది.  
 
తెలుగు ఫిలిం ఇండస్ర్టీలో  బిజీగా ఉన్న హీరోయిన్లలో రాశి ఖన్నా ఒకరు.  ఊహలు గుసగుసలాడే సినిమాతో హీరోయిన్ గా పరిచయమైంది. ఆ సినిమాలో క్యూట్ లుక్స్, మంచి నటనతో అకట్టుకున్నది. ఇక ఈ సినిమాతో ఈ బ్యూటీకి కుప్పలు తెప్పలుగా అవకాశాలు వచ్చాయి. చాలా సెలెక్టివ్ గా సినిమాలు చేసింది.  బెంగాల్ టైగార్, తొలి ప్రేమ, ప్రతిరోజు పండగే వంటి సినిమాలతో  హిట్లు కొట్టింది.  ఇటు సౌత్ తో పాటు హిందీలోనూ వరుస సినిమాలతో దూసుకెళ్లింది.  కెరీర్ పీక్స్ లో ఉందనుకున్న సమయంలో ఒక్కసారిగా డల్ అయింది. తెలుగులో వరుణ్ తేజ్ తో చేసిన తొలిప్రేమ సినిమా విజయం సాధించిన తర్వాత  పెద్దగా అవకాశాలు మాత్రం రావడం లేదు.  వరల్డ్ ఫేమస్ లవర్, పక్కా కమర్షియల్, థ్యాంక్యూ సినిమాలు డిజాస్టర్లుగా మిగలడంతో రాశి కెరీర్ పై దెబ్బపడింది.  

తెలుగులో థ్యాంక్యూ సినిమా తర్వాత రాశి మరే సినిమాకు కమిట్ కాలేదు.  ఆ తర్వాత బాలీవుడ్, కోలీవుడ్ వైపు దృష్టి పెట్టింది. ఇక తెలుగు ఫిలిం ఇండస్ట్రీ ని రాశి వదిలేసిందా అని అనకుంటున్నారు. అందం, అభినయం, టాలెంట్ పుష్కలంగా ఉన్న రాశీ ఖన్నాకు తెలుగులో అకాశాలు లేకపోవడంపై  ఆమె ఫ్యాన్స్ తెగ బాధపడుతున్నారు.  యంగ్ జనరేషన్ లోని స్టార్ హీరోల అందరిరితో జత కట్టి సక్సెస్ లు కొట్టిన రాశీ ఖన్నాను ఎందుకు దూరం పెడుతున్నారోనని ఆలోచనలో పడ్డారు.

మళ్లీ గాడిలో పడినట్లేనా?

లాంగ్ గ్యాప్ తర్వాత రాశీ మళ్లీ తెలుగులో మళ్లీ బిజీ అవుతోందని తెలుస్తున్నది.   వెంకీ కుడుముల దర్శకత్వంలో హీరో నితిన్ చేస్తున్న
 చిత్రం `రాబిన్‌వుడ్‌`.  ఇందులో  ఫిమేల్ లీడ్ రోల్ కు ర‌ష్మిక‌ను తీసుకున్నారు. కానీ ఆమె స్థానంలో యంగ్ బ్యూటీ శ్రీ‌లీల‌ను తీసుకున్నట్లు టాక్ వచ్చింది. ఆమె కూడ ఆ సినిమా నుంచి తప్పుకోగా  ఆ ప్లేస్ లో రాశీ ఖన్నాను తీసుకున్నారనే టాక్ వినిపిస్తున్నది.  అయితే మేకర్స్ మాత్రం ఎలాంట్ అనౌన్స్ మెంట్ చేయలేదు. ఈ ఏడాది డిసెంబర్ 20న విడుదల చేస్తామని  మాత్రం ప్రకటించారు. ఈ సినిమాలో రాశి నటిస్తుందనేది రూమరా.. నిజామా అనేది తెలియాల్సి ఉంది.  సక్సెస్ లు కొట్టిన హీరోయిన్ కు సినిమాలు లేక దిక్కులు చూస్తుండడాన్ని ఆమె అభిమానుల జీర్ణించుకోలేకపోతున్నారు.  కామెంట్స్ రూపంలో తెలియజేయండి.