Deepthi Sunaina
Deepthi Sunaina : బిగ్ బాస్ కంటెస్టెంట్ గా చేసిన దీప్తి సునయన ఆ తర్వాత బాగా పాపులర్ అయ్యింది. యూ ట్యూబ్ లో ఒక ఛానల్ లో సందడి చేస్తున్న ఈ అమ్మడు అందరికీ దగ్గరైంది. వీడియో ఆల్బమ్స్, కవర్ సాంగ్స్ తో మరింత ఉత్సాహ పరుస్తుంది. ముఖ్యంగా లవ్ సాంగ్స్ తో కుర్రకారు హృదయాలకు గిలిగింతలు పెడుతుంటుంది. ఈ భామ తాజాగా కొన్ని ఫొటోలు షేర్ చేయడంతో పాటు వాటికి క్యాప్షన్ కూడా జోడించింది. దీంతో ఆ ఫొటోలు మాత్రమే కాదు.. ఆ క్యాప్షన్ కూడా వైరల్ అవుతోంది. క్యాప్షన్ ఏంటి? అసలు అంత మర్మం ఏం ఉంది?
దీప్తి సునయనకు సోషల్ మీడియాలో మంచి ఫాలోయింగ్ ఉంది. సాధారణంగా సెలబ్రిటీగా మారిన తర్వాతనే ఎక్కువగా ట్రోలింగ్ కి గురవుతారు. కానీ, దీప్తి మాత్రం అలా కాదు.. ట్రోలింగ్ తోనే ఆమె సెలబ్రెటీగా మారింది. ఆమెను చాలా మంది ట్రోల్ చేసేవారు ఆ ట్రోల్స్ ను తట్టుకొని కూడా తాను చేయాలనుకున్నది చేస్తుంది దీప్తి సునయన. షార్ట్ వీడియోలు, డాన్స్ వీడియోలతోనే చిన్నపాటి సెలబ్రిటీ అయిపోయింది. ఆ తర్వాత యూ ట్యూబ్ సాంగ్స్ చేస్తూ బిగ్ బాస్ లోకి ఎంట్రీ ఇచ్చింది. దీప్తీ బిగ్ బాస్ కు వెళ్లిన తర్వాత నెటిజన్స్ మాత్రమే కాకుండా.. బుల్లితెర ప్రేక్షకులు కూడా ఆమెను అభిమానించడం మొదలు పెట్టారు. ఆ తర్వాత సినిమాల్లో కూడా మెరిసింది. కనీ ఇప్పటికీ తనకు లైఫ్ ఇచ్చిన యూట్యూబ్ వీడియోలను మాత్రం వదల్లేదు.
దీప్తి చేసే చేసే కవర్ సాంగ్స్ కు వ్యూవ్స్ మిలియన్స్ లో ఉంటాయి. దీప్తికి ఒక్క ఇన్ స్టాలోనే 42 లక్షల మంది ఫాలోవర్లు ఉన్నారు. తన ప్రాజెక్ట్స్ గురించి మాత్రమే కాకుండా అమ్మడి పర్సనల్ లైఫ్ లోని విశేషాలు, షూట్స్ కు సంబంధించిన లొకేషన్స్ తదితరాలను ఎప్పటికప్పుడు పోస్ట్ చేస్తుంటుంది. ఇప్పుడు తాజాగా కొన్ని ఫొటోలను షేర్ చేసింది. ‘నీలో ఉంది నా ప్రాణం.. అది నీకు తెలుసునా..’ అని క్యాప్షన్ కూడా పెట్టింది.
అయితే, అలా ఎందుకు పెట్టిందని బుర్రలు బద్దలు కొట్టుకోవాల్సిన అవసరం లేదండోయ్.. అదొక సినిమా పాట లిరిక్. ఇక, చీరలో ఉన్న దీప్తి పిక్స్ చూసి కుర్రాళ్లు తమ హృదయాలకు గిలిగింతలు పెట్టేస్తున్నావ్ అంటూ కామెంట్స్ పెడుతున్నారు.