jawan
jawan dead body : జమ్మూకశ్మీర్ లోని అనంతనాగ్ ప్రాంతంలో మంగళవారం జరిగిన ఉగ్రవాదుల దాడిలో ఓ టెరిటోరియల్ ఆర్మీ జవాన్ కిడ్నాప్ నకు గురైన విషయం తెలిసిందే. కిడ్నాపైన టెరిటోరియల్ ఆర్మీ జవాన్ మృతదేహం బుధవారం లభించింది. మృతదేహంపై తుపాకీ గాయాలు ఉన్నట్లు అధికారులు తెలిపారు. కిడ్నాప్ అనంతరం ఉగ్రవాదులు ఆర్మీ జవాన్ ను తీవ్ర హింసలకు గురిచేసి, తొపాకులతో కాల్చి చంపినట్లు ఆర్మీ అధికారులు భావిస్తున్నారు.
భద్రతా వర్గాల సమాచారం ప్రకారం.. అటవీ ప్రాంతంలో మిలిటెంట్ కదలికలను గుర్తించడానికి ఇద్దరు ఆర్మీ జవాన్లను నిఘా మిషన్ కు పంపించారు. అయితే, వీరిద్దరు తీవ్రవాదుల బృందాన్ని ఎన్ కౌంటర్ చేశారు. వీరిలో ఒకరు భుజంపై బుల్లెట్ గాయంతో బయటపడగా, మరొక జవాన్ ను ఉగ్రవాదులు కిడ్నాప్ చేశారు. వెంటనే సైన్యం భారీ ఎత్తున సెర్చ్ ఆపరేషన్ ను చేపట్టింది. ఆ క్రమంలో బుల్లెట్, కత్తి గాయాలతో ఉన్న మరో సైనికుడి మృతదేహం లభ్యమైంది. మృతి చెందిన జవాన్ అనంతనాగ్ లోని ముక్దంపోరా నౌగామ్ కు చెందిన హిలాల్ అహ్మద్ భట్ గా గుర్తించారు. గాయపడిన జవాన్ పరిస్థితి ప్రస్తుతం నిలకడగా ఉన్నట్లు సమాచారం.