Darling Prabhas : డార్లింగ్ ప్రభాస్ కి చాలా ఇష్టమైన పవన్ కళ్యాణ్ సాంగ్.. ఏంటో తెలుసా ?
Darling Prabhas
Darling Prabhas : పాన్ ఇండియా హీరో ప్రభాస్ గురించి ప్రత్యేకంగా పరిచయం అక్కర్లేదు. తాజాగా ఓ ప్రముఖ ఛానల్‌కి ఇచ్చిన ఇంటర్వ్యూలో ప్రభాస్ తనకు ఇష్టమైన పాటను వెల్లడించాడు. సిరివెన్నెల సీతారామశాస్త్రి గురించి మాట్లాడుతూ, పవన్ కళ్యాణ్ జల్సా సినిమాలోని “చలోరే చలో చలో” పాట తనకు చాలా ఇష్టమని చెప్పాడు. అయితే ఆ పాట గురించి ప్రభాస్ వంద మందికి పైగా చెప్పినట్లు తెలిపారు. ఏ పార్టీలోనైనా ఈ పాట గురించి చర్చ పెట్టాల్సిందేనట. ఆ పాట గురించి చాలా మందికి చెబుతూ, “ఈ లైన్ ఎంత బాగుందో, ఎంత బాగా రాశారో చూడండి” అని చెబుతుంటాడట.
ఈ విషయాన్ని స్వయంగా ప్రభాస్ చెప్పాడు. సిరివెన్నెల సీతారామ శాస్త్రి రాసిన ఆ పాట గురించి ఎంత చెప్పినా తక్కువే. ఆ పాటలోని ప్రతి లైన్ నెక్స్ట్ లెవెల్ లో ఉంటుంది. “రాముడిలా ఎదగగలం, రాక్షసులను మించిపోగలం, రకరకాల ముసుగులు వేసుకుని మన ముఖాన్నే మరచిపోయాం” లాంటి పదాలు ఆ పాట ఆకట్టుకోవడమే కాకుండా ఆలోచింపజేసేలా చేశాయి. ప్రభాస్ లాంటి స్టార్ హీరో కూడా సాహిత్యాన్ని గమనించి పదిమందికి షేర్ చేయడం ఆశ్చర్యం కలిగించే విషయమే అని చెప్పాలి.