Sudan : సూడాన్ లో కూలిన డ్యాం.. పౌరుల గల్లంతు

Sudan

Sudan : సూడాన్ లో ఓ డ్యాం కుప్పకూలింది. ఈ ఘటనలో కొందరు పౌరులు గల్లంతైనట్లు అక్కడి మీడియా తెలిపింది. భారీ వర్షాల కారణంగా సూడాన్ లో ఓ డ్యాం కూలిపోయింది. దీంతో సమీప గ్రామాల్లోకి భారీగా వరద చేరి పదుల సంఖ్యలో ప్రజలు గల్లంతయ్యారని స్థానిక మీడియా వెల్లడించింది. ఆచూకీ లభించని వారితో పాటు ప్రాణాలు కోల్పోయిన వారి సంఖ్య భారీగానే ఉందని పేర్కొంది.

సూడాన్ లోని రెడ్ సీ స్టేట్ లో కురుస్తున్న వర్షాలకు అక్కడి అర్బాత్ డ్యాం కూలిపోయింది. ఈ ఘటనలో నలుగురు ప్రాణాలు కోల్పోయినట్లు సమాచారం. సుమారు 60 మంది మృతి చెంది ఉంటారని, అనేక మంది గల్లంతయ్యారని సూడాన్ వార్తా ఛానెల్ పేర్కొంది. మరో వార్తా సంస్థ మాత్రం 100 మంది ఆచూకీ లభించలేదని తెలిపింది. మొత్తంగా ఈ ఘటనలో నష్టం భారీ స్థాయిలో ఉందని రెడ్ సీ స్టేట్ నీటిపారుదల శాఖ అధికారి ఒకరు తెలిపారు. మొబైల్ నెట్ వర్క్ పనిచేయక పోవడంతో సమాచార సేకరణ ఇబ్బందిగా ఉందని స్థానిక మీడియా పేర్కొంది.