Amul Butter Milk
Amul Butter Milk : ఆన్ లైన్ ఆర్డర్ అంటేనే వినియోగదారులు భయపడుతున్నారు. ఏదీ బుక్ చేస్తే ఏది వస్తుందో తెలియనా పరిస్థితి. తాజాగా ఓ వ్యక్తి ఆన్ లైన్ లో అమూల్ బటర్ మిల్క్ బుక్ చేయగా.. వచ్చిన పార్శిల్ విప్పిచూసి అతను షాక్ తిన్నాడు. పాడైపోయిన బటర్ మిల్క్ ప్యాకెట్లు, వాటిలో పురుగులు దర్శనమిచ్చాయి. దీంతో వాటిని వీడియో తీసి సోషల్ మీడియాలో షేర్ చేశారు.
ఎక్స్ ఖాతాదారు పోస్టు చేసిన వీడియోలో అమూల్ బటర్ మిల్క్ ఉన్న డబ్బాలో అన్నీ పురుగులే కనిపిస్తున్నాయి. పైగా బటర్ మిల్క్ పాడై ఉంది. వీడియో, ఫొటోలతో పాటు ‘హే అమూల్ మీరు అధిక ప్రోటీన్ మజ్జిగతో పాటు మాకు వార్మ్స్ (worms) కూడా పంపారు’ అని వెటకారంగా పేర్కొన్నారు. ఈ వీడియో షేర్ చేసిన కొద్ది గంటల్లోనే నాలుగున్నర లక్షల వ్యూస్ వచ్చాయి. చాలా మంది ఇలాంటి అనుభవాలు వారికి కూడా ఎదురయ్యాయని చెప్పుకొచ్చారు.
ఈ విషయం అమూల్ కంపెనీ దృష్టికి వెళ్లింది. వెంటనే తప్పును సరిదిద్దుకున్న కంపెనీ యాజమాన్యం ఆ కస్టమర్ కు సారీ చెప్పింది. ఇలాంటివి మరోసారి జరగకుండా చూసుకుంటామని చెప్పింది.