Cultivation of ganja
Cultivation ganja : ఏపీలో గంజాయి స్మగ్లర్లు రెచ్చిపోతున్నారు. ఏకంగా విశాఖ నడిబొడ్డున గంజాయి సాగు చేయడం కలకలం రేపుతోంది. కేజీహెచ్ లేడీస్ హాస్టల్ వెనుక ప్రాంతంలో గుట్టుచప్పుడు కాకుండా గంజాయి పండిస్తున్నారు. ఏడాదిన్నర కాలంగా స్మగ్లర్లు కొండపై గంజాయి పండిస్తున్నట్లు తెలుస్తోంది. ఈ క్రమంలో కొంతమంది యువకులు ఏజెన్సీ నుంచి గంజాయిని తీసుకొచ్చి ఇక్కడ పండిస్తున్నట్లు తెలుస్తోంది. ఈ క్రమంలో పోలీసులు గంజాయి సాగు గుట్టు రట్టు చేసి పలువురు యువకులను అదుపులోకి తీసుకొని విశాఖ వన్ టౌన్ కు తరలించారు. భారీ స్థాయిలో గంజాయిని సాగు చేస్తున్నారని, దీనికి సంబంధించి కేసు నమోదు చేసి దర్యాప్తు చేస్తున్నట్లు తెలిపారు.