Balayya 110 : బాలయ్య బాబు 110 కోసం క్రేజీ మ్యూజిక్ డైరెక్టర్.. ఎవరంటే?

Balayya 110

Balayya 110 : ప్రస్తుతం బాబీ దర్శకత్వంలో #NBK 109 చేస్తున్న బాలకృష్ణ దీని తర్వాత బోయపాటి శ్రీనుతో ‘అఖండ 2’ను అధికారికంగా లాక్ చేసుకున్నాడు. టైటిల్ ప్రకటించకున్నా.. బోయపాటి కాంబోలో రాబోతోంది కాబట్టి ఇదేనని విశ్వసనీయంగా తెలుస్తోంది. భారీ బడ్జెట్ తో ‘14 రీల్స్ నిర్మాణం’లో రూపొంచిందే ఈ యాక్షన్ డ్రామాకు సంగీతం ఎవరనే దానిపై ఇప్పటి వరకూ సరైన సమాచారమే లేదు. ‘ఎస్ఎస్ తమన్’ ఉంటాడని ఫ్యాన్స్ అనుకుంటున్నారు. కానీ, ఈ సారి మార్చే ఆలోచన సీరియస్ గా ఉందట. ఎందుకంటే తమన్ బాలయ్య బాబుతో అఖండ, వీరసింహారెడ్డి, భగవంత్ కేసరి, NBK109 చేశాడు. ఇప్పుడు మారిస్తే మంచిదని అనుకుంటున్నారు.

వరుసగా ఐదో ప్రాజెక్ట్ కు కూడా ఆయననే తీసుకోవడం మంచిది కాదని NBK109 యూనిట్ భావిస్తోందట. యానిమల్ తో మ్యూజిక్ లవర్స్ దృష్టిలో పడ్డ హర్షవర్ధన్ రామేశ్వర్ ను మొదటి ఆప్షన్ గా ఎంచుకున్నట్లు తెలిసింది. ఇతని బ్యాక్ గ్రౌండ్ స్కోర్ కు పెద్ద ఎత్తున ఫ్యాన్స్ ఉన్నారట. హీరోయిజం ఉన్న సీన్లను ఎలివేట్ చేయడంలో ఇతనికి ఇతనే సాటి అంటున్నారు. గతంలో అర్జున్ రెడ్డిలోనూ ఇది రుజువైంది. స్టార్ హీరోల సినిమాలకు అవకాశం రాకపోవడంతో వెనుకబడ్డాడు. కానీ యానిమల్ తో తను ఏంటో రుజువు చేసుకోవడంతో స్టార్ హీరోలు సైతం ఆయన వైపునకు చూస్తున్నారట. అందులో భాగంగానే బాలయ్య 110 వచ్చి ఉండవచ్చని తెలుస్తోంది.

ఈ విషయం ఇంకా అఫీషియల్ గా అనౌన్స్ చేయనప్పటికీ ఇదే సరైందని చెప్పలేం. కానీ నిప్పు లేనిదే పొగరాదు అన్న సామెతను కూడా మర్చిపోవద్దు.  అఘోరా పాత్రను మరింత ఎలివేట్ చేసేందుకు అఖండ 2 స్క్రిప్ట్ ను బోయపాటి సిద్ధం చేశారట. క్యాస్టింగ్ పనులు కొనసాగుతున్నాయి. పొలిటికల్, తదితర పనులపై మరో రెండు నెలలు బాలయ్య  బిజీగా ఉండడంతో ఎప్పటి నుంచి రెగ్యులర్ షూటింగ్ చేయాలనే దానిపై ఎలాంటి నిర్ణయం తీసుకోలేదు. సింహా, లెజెండ్, అఖండ హ్యాట్రిక్ బ్లాక్ బస్టర్స్ కావడంతో తర్వాతి ప్రాజెక్టుపై బిజినెస్ వర్గాల్లో హైప్ నెలకొంది.