Prabhas-Samantha : ప్రభాస్-సమంత కాంబినేషన్ లో మిస్ అయిన క్రేజీ మూవీ అదేనా..? దరిద్రం మామూలుగా లేదుగా!

Prabhas-Samantha

Prabhas-Samantha : సౌత్ ఇండియా లో టాప్ మోస్ట్ స్టార్ హీరోయిన్స్ లిస్ట్ తీస్తే అందులో సమంత నెంబర్ 1 స్థానం లో ఉంటుంది అనడం లో ఎలాంటి అతిశయోక్తి లేదు. ఒక్కోసారి ఈమెకి ఉన్న ఫేమ్ కి ఇండియా వైడ్ ఉన్న హీరోయిన్స్ కూడా సరితూగని సందర్భాలు ఎన్నో గతం లో ఎదురు అయ్యాయి. సౌత్ లో దాదాపుగా అందరి సూపర్ స్టార్స్ తో కలిసి సినిమాలు చేసిన సమంత కేవలం ప్రభాస్ తో మాత్రం ఇప్పటి వరకు ఒక్క సినిమాలో కూడా నటించలేదు.

ఎందుకు వీళ్లిద్దరు కలిసి సినిమాలు చెయ్యలేదు?, ఏమైనా సమస్యలు ఉన్నాయా?, లేకపోతే యాదృచికంగానే వీళ్ళ కాంబినేషన్ సెట్ అవ్వలేదా  అని అనుకుంటూ ఉండేవారు ఫ్యాన్స్. సమంత బాగా పొట్టి కాబట్టి, ప్రభాస్ కి సరైన జోడి కాదు కాబట్టే ఆమెతో సినిమా లేదని కొంతమంది అంటుంటారు. కానీ మహేష్ , పవన్ కూడా సమంత కంటే చాలా పొడవు ఉంటారు కదా, వాళ్ళతో సినిమాలు ఎలా చేసింది అని ఫ్యాన్స్ కలిగే సందేహం.

అయితే సమంత – ప్రభాస్ కాంబినేషన్ లో గతం లో ఒక సినిమా తెరకెక్కాల్సింది. ప్రభాస్ కి ఎంతో సన్నిహితులతో ఒకరైన డైరెక్టర్ వీవీ వినాయక్ ఈ చిత్రానికి దర్శకత్వం వహించేవాడట. ఆ సినిమా మరేదో కాదు ‘అల్లుడు శ్రీను’. బెల్లంకొండ సాయి శ్రీనివాస్ ని ఇండస్ట్రీ కి పరిచయం చేస్తూ, వీవీ వినాయక్ తెరకెక్కించిన ఈ చిత్రం అప్పట్లో భారీ బ్లాక్ బస్టర్ హిట్ అయ్యింది. ఆరోజుల్లోనే ఈ సినిమా పాతిక కోట్ల రూపాయలకు పైగా షేర్ వసూళ్లను సాధించింది. అయితే ఈ కథ ముందుగా ప్రభాస్ వద్దకి వచ్చిందట. ఇప్పుడిప్పుడే రొటీన్ కమర్షియల్ సినిమాలకు దూరంగా ఉంటూ, కొత్త రకం సబ్జక్ట్స్ ని ప్రయత్నిస్తున్న, మళ్ళీ ఇప్పుడు వెనక్కి వెళ్ళలేను డార్లింగ్ , ఇలాంటి సినిమాలు వద్దు, వేరే ఏదైనా మంచి సబ్జెక్టు తో రా, కచ్చితంగా చేద్దాం అని సున్నితంగా రిజెక్ట్ చేసాడట.

ఆ తర్వాత కొంతకాలం వరకు ఆ స్క్రిప్ట్ ని మూలనపెట్టిన వినాయక్, బెల్లంకొండ సురేష్ తన కొడుకుని ఇండస్ట్రీ లోకి లాంచ్ చేసేందుకు వీవీ వినాయక్ ని ఆశ్రయించాడు. అప్పుడు వీవీ వినాయక్ తన దగ్గర ప్రభాస్ కోసం రాసి పెట్టిన ‘అల్లుడు శ్రీను’ సినిమా స్టోరీ ని వినిపించాడు. బెల్లంకొండ సురేష్ కి తెగ నచ్చేసింది. అలా ప్రభాస్ – సమంత కాంబినేషన్ లో ఈ సినిమా మిస్ అయ్యింది.