Nuvu Kavalayya Song on KCR
Nuvu Kavalayya Song on KCR : సామాజిక మాధ్యమాలను కాంగ్రెస్ పార్టీ గట్టిగానే వాడుకుంటోంది. ఇప్పటికే బీఆర్ఎస్ పై సోషల్ మీడియా వేదికగా ఓ వీడియో పెట్టిన కాంగ్రెస్ తాజాగా మరో వీడియో విడుదల చేసింది. కేసీఆర్ తాతయ్య, కేటీఆర్ మావయ్య, కల్వకుంట్ల అక్కయ్యా కారు వదలాలయ్యా అంటూ వ్యంగ్యంగా చూపించారు. సాలులే నీమాయ మోసమే నీ చాయ కారును వదిలేయాలయ్యా అంటూ పాట రూపంలో చూపించారు.
అన్ని స్కాములే. అందుకే నువ్వు పోవాలయ్యా. పో.. పో.. పో.. అంటూ చలోక్తిగా చూపించారు. ఫాం హౌస్ పాలన వద్దు. ఇక మీకు సెలవు. కాంగ్రెస్ రావాలయ్యా మార్పు కావాలయ్యా అంటూ సెటైర్ గా చూపించారు. కేసీఆర్ పాలన ఇక చాలు. ఎటు చూసినా నాటు సారా వల్ల ఇబ్బందులొస్తున్నాయి. తాగుబోతుల సంఖ్య పెరుగుతోంది. మత్తు తెలంగాణ మార్చింది మీరే అంటూ విమర్శనాత్మకంగా చూపించారు. తమన్నా సాంగు నువ్వు కావాలయ్యాను పేరడీగా చేసుకుని కేసీఆర్ పై వేశారు.
గతంలో విడుదల చేసిన వీడియోలో బీఆర్ఎస్ ను లక్ష్యంగా చేసుకుని హాస్యంగా అభివర్ణించారు. ఇందులో మాత్రం పోవాలయ్యా అంటూ బీఆర్ఎస్ ను ఏకిపారేశారు. దీంతో ఈ ఎన్నికల్లో బీఆర్ఎస్ పార్టీని ఇంటికి సాగనంపాలనే కోణంలో ప్రదర్శించారు. బీఆర్ఎస్ విధానాలు ప్రజలకు కంటగింపుగా మారుతున్నాయి. ప్రజలను ఇబ్బందులకు గురి చేస్తున్నాయని గుర్తు చేస్తున్నారు.
మీరు చేసిన నేరాలకు మిమ్మల్ని జైల్లో వేయడం ఖాయం. ఇక సర్దుకోండి. ఇంటికి వెళ్లండి. కాంగ్రెస్ కు అవకాశం ఇవ్వండి అంటూ వారి శైలిలో చూపించారు. కారు గుర్తు వద్దయ్యా.. నువ్వు పోవాలయ్యా అంటూ పేరడీ సాంగుతో ముడిపెట్టారు. ఇలా బీఆర్ఎస్ ను టార్గెట్ చేసుకుని విడుదల చేసిన వీడియో ఇప్పుడు సోషల్ మీడియాలో వైరల్ గా మారుతోంది.
