Jhansi Reddy Injured
Jhansi Reddy injured : షాపింగ్ మాల్ ప్రారంభోత్సవంలో వేదిక కూలడంతో కాంగ్రెస్ నేత ఝాన్సీరెడ్డికి తీవ్ర గాయాలయ్యాయి. మహబూబాబాద్ జిల్లా తొర్రూరు పట్టణ కేంద్రంలోని నూతనంగా ఏర్పాటు చేసిన కాసం షాపింగ్ మాల్ ప్రారంభోత్సవానికి విచ్చేసిన పాలకుర్తి నియోజకవర్గం కాంగ్రెస్ పార్టీ ఇన్ చార్జీ ఝాన్సీరెడ్డి అక్కడ ఏర్పాటు చేసిన వేదికపైకి ఎక్కి ప్రజలకు అభివాదం చేశారు. ఆ సమయంలో ఎక్కువ మంది వేదికపైకి ఎక్కడంతో అది ఒక్కసారిగా కుప్పకూలింది. దీంతో వేదికపై ఉన్న ఝాన్సీరెడ్డికి తీవ్ర గాయాలయ్యాయి. వెంటనే ఆమెను పట్టణంలోని ఆస్పత్రికి తరలించారు. అనంతరం మెరుగైన వైద్యం కోసం ఆమెను హైదరాబాద్ కు తరలించారు. ఈ ఘటనలో ఝాన్సీరెడ్డితో పాటు పలువురికి గాయాలైనట్లు సమాచారం.