CM Jagan Delhi Tour, Jagan and Modi
CM Jagan Delhi Tour : ఆంధ్రప్రదేశ్ లో కొన్ని రోజుల్లోనే అసెంబ్లీ ఎన్నికల షెడ్యూల్ విడుదల కాబోతోంది. బహూషా దీంతో పాటే పార్లమెంట్ ఎన్నికలు కూడా రావచ్చనే అనుమానాలు వ్యక్తం అవుతున్నాయి. ఎన్నికల ముందు సీఎం వైఎస్ జగన్ దేశ రాజధాని ఢిల్లీ పర్యటన చేశారు. ఈ పరిణామం ఏపీ రాజకీయ వర్గాల్లో చర్చనీయాంశంగా మారింది.
జగన్ ఢిల్లీకి వెళ్లి బీజేపీ పెద్దలతో వరుసగా మూడు సమావేశాలు నిర్వహించారు. ప్రధాని నరేంద్ర మోదీ, కేంద్ర హోంమంత్రి అమిత్ షా, ఏపీ బీజేపీ ఇన్‌చార్జి విద్యాధర్ రావుతో తొలి భేటీ అనంతరం మరో సమావేశంలో జగన్ మాట్లాడారు. ఆ తర్వాత అమిత్ షా కూడా మోడీ, జగన్‌ను వదిలేసి వెళ్లిపోయారు. గంటకు పైగా మోడీ, జగన్ భేటీ జరిగింది. ఈ నేపథ్యంలో రాష్ట్రానికి పెండింగ్ నిధులు, ప్రత్యేక హోదా, పోలవరం ప్రాజెక్టు కంటే ఎక్కువ చర్చించి ఉండొచ్చనే ఊహాగానాలు వ్యక్తం అవుతున్నాయి.
వైసీపీతో బీజేపీ పొత్త విషయంపై జగన్, మోడీ చర్చించి ఉంటారని ప్రచారం జరుగుతోంది. 2 రోజుల క్రితం తెలుగుదేశం పార్టీ అధినేత నారా చంద్రబాబు నాయుడు మోడీని కలిశారు. ఈ సమయంలో కూడా టీడీపీ+జనసేన బీజేపీని కలుపుకొని పోతుందన్న టాక్ ఏపీలో విస్తృతంగా వినిపించింది. జనసేన అధినేత పవన్ కళ్యాణ్ కూడా మరి కొద్ది రోజుల్లో ప్రధాని మోడీని కలవనున్నట్లు సమాచారం.
ఈ సమావేశాలన్ని పాలనా వ్యవహారాలపై కంటే రాజకీయ పరిణామాలు గురించి ఉంటాయని రాజకీయ విశ్లేషకులు అభిప్రాయపడుతున్నారు. రాష్ట్రంలో అధికార వైసీపీని దెబ్బకొట్టేందుకు భవిష్యత్ లో బీజేపీతో పొత్తు పెట్టుకొని తమ అభ్యర్థుల జాబితాను ప్రకటిస్తూ టీడీపీ, జనసేనలు తమ ప్రచారంలో స్లోగా వెళ్తుండడం గమనార్హం.
ఇప్పుడు ఆంధ్రప్రదేశ్ పోటీలో ఉన్న అన్ని ప్రధాన రాజకీయ పార్టీల అధినేతలు మోడీని కలవడం, ఆయన ఆమోదం కోసం ఎదురుచూడడం ప్రాంతీయ పార్టీలపై ఆధారపడడం ఏ స్థాయిలో ఉందో, కేంద్రంలోని రాజకీయ అధికారాన్ని ప్రసన్నం చేసుకోవడానికి వారి పోరాటాన్ని తెలియజేస్తుంది.