CM Chandrababu : కొలనుకొండ గోకుల క్షేత్రంలో సీఎం చంద్రబాబు పూజలు

CM Chandrababu

CM Chandrababu : గుంటూరు జిల్లా తాడేపల్లి మండలం కొలనుకొండ వద్ద ఉన్న హరేకృష్ణ గోకుల క్షేత్రాన్ని సీఎం చంద్రబాబు నాయుడు సందర్శించారు. వేంకటేశ్వరస్వామి ఆలయ నిర్మాణంలో భాగంగా గర్భాలయంలో జరగనున్న అనంతశేష స్థాపన కార్యక్రమంలో ఆయన పాల్గొన్నారు. ఈ సందర్భంగా చంద్రబాబు ప్రత్యేక పూజలు నిర్వహించారు. అంతకు ముందు అక్కడికి చేరుకున్న చంద్రబాబుకు ఆలయ నిర్వాహకులు ఘన స్వాగతం పలికారు.

ఈ కార్యక్రమంలో సుప్రీంకోర్టు విశ్రాంత ప్రధాన న్యాయమూర్తి జస్టిస్ ఎన్వీ రమణ పాల్గొన్నారు. అక్షయపాత్ర అంతర్జాతీయ అధ్యక్షుడు మధుపండిత్, మంత్రులు నారాయణ, సవిత, ఎంపీ లావు శ్రీకృష్ణదేవరాయలు పాల్గొన్నారు.

అనంతరం పార్టీ కేంద్ర కార్యాలయం ఎన్టీఆర్ భవన్ కు సీఎం చంద్రబాబు చేరుకోనున్నారు. మంగళగిరిలోని టీడీపీ కేంద్ర కార్యాలయంలో గ్రీవెన్స్ కార్యక్రమంలో భాగంగా ప్రజల నుంచి ఫిర్యాదులు స్వీకరిస్తారు. ఈ క్రమంలోనే పార్టీ కేంద్ర కార్యాలయంలో కార్యకర్తలు, నేతలను చంద్రబాబు కలవనున్నారు. సాయంత్రం 4.30 గంటలకు గన్నవరం ఎయిర్ పోర్టు నుంచి ముంబై వెళ్లి ముకేష్ అంబానీ కుమారుడి వివాహ వేడుకలో పాల్గొంటారు.