Chiyaan Dhruva Nakshatram : చియాన్ కు ‘ధృవ నక్షత్రం’ చేయడం ఇష్టం లేదా? విడుదల వేల భారీ ట్విస్ట్..

Chiyaan Dhruva Nakshatram

Chiyaan Dhruva Nakshatram : గౌతమ్ మీనన్ దర్శకత్వంలో చియాన్ విక్రమ్ కథానాయకుడిగా నటించిన సినిమా ‘ధృవ నక్షత్రం’ ఈ మూవీ షూటింగ్ నుంచి అనేక ఇబ్బందులను ఎదుర్కొంది. నేడు, రేపు విడుదల అంటూ గడిపిన మేకర్స్ ఎట్టకేలకు ఈ నెల (నవంబర్) 20వ తేదీన రిలీజ్ అంటూ ప్రకటించేశారు. ఈ చిత్రంపై చియాన్ అభిమానుల్లో తీవ్ర ఆగ్రహం నెలకొంది. దాదాపు ఈ సినిమాను ఏడేళ్లుగా వివిధ దశల్లో షూటింగ్ చేస్తూనే ఉన్నారు. దీనికి తోడు రిలీజ్ డేట్ కూడా తరుచూ మార్చుకుంటూ పోవడంతో వారు కొంత నిరాశగానే ఉన్నట్లు కనిపిస్తుంది. ఈ నేపథ్యంలో అయితే ఈ సారి వాయిదాలు లేకుండా ముందుకు సాగాలని చిత్రబృందం కృతనిశ్చయంతో ఉంది.

అయితే దర్శకుడు గౌతమ్ మీనన్ ఈ సినిమా ప్రమోషన్ లో చురుగ్గా పాల్గొంటున్నప్పటికీ ప్రమోషన్ కార్యక్రమాల్లో చియాన్ విక్రమ్ లేకపోవడం చర్చనీయాంశంగా మారింది. విడుదలకు ఇంకా కొన్ని రోజులు మాత్రమే మిగిలి ఉండడగా విక్రమ్ ఈ సినిమా ప్రమోషన్ కోసం మీడియాలో కానీ, సోషల్ ప్లాట్ ఫామ్స్ లో కానీ కనిపించలేదు. అసలు ఆయనకు ఈ సినిమా చేయడం ఇష్టమేనా అంటూ కొందరు నెటిజన్లు అనుమానాలను కూడా వ్యక్తం చేస్తున్నారు. బహూషా ఆయన కెరీర్ లోనే ఇది సుదీర్ఘంగా షూటింగ్ చేసుకున్న సినిమా కావచ్చని అభిప్రాయం వ్యక్తం చేస్తున్నారు.

దీంతో విక్రమ్ కావాలనే పబ్లిసిటీకి దూరంగా ఉంటున్నాడా లేక పీరియాడిక్ మూవీగా పా.రంజిత్ దర్శకత్వంలో తన తదుపరి సినిమా షూటింగులో బిజీగా ఉన్నాడా అనే ఊహాగానాలు, ప్రశ్నలకు దారి తీసింది. ‘ధృవ నక్షత్రం’లో రీతూవర్మ కూడా నటిస్తోంది.