Bigg Boss 8
Bigg Boss 8 : బిగ్ బాస్ 8 సీజన్ కొత్త లోగో, ప్రొమో కూడా వచ్చేసింది. మెగాస్టార్ చిరంజీవితో కలిసి శంకర్ దాదా ఎంబీబీఎస్ లో నటించిన రోహిత్, జానకీ వెడ్స్ శ్రీరాం హిరో కూడా బిగ్ బాస్ 8 లో కనిపించనున్నాడని సమాచారం. బిగ్ బాస్ 7 బంపర్ హిట్ అయింది. దీంతో ఈ సారి అంతకుమించి ఎంటర్టైన్ మెంట్ ఇవ్వాలని బిగ్ బాస్ యాజమాన్యం అనుకుంటోంది.
బిగ్ బాస్ 7 లో సామాన్య రైతు పల్లవి ప్రశాంత్ ను హౌస్ లోకి తీసుకురావడం, అక్కడ అతడు అద్భతమైన ప్రదర్శన చేయడం, చివరకు టైటిల్ విజేతగా నిలవడం ఇలా టీఆర్పీ రేటింగ్ ను అమాంతం పైకి తీసుకెళ్లింది. ఏకంగా మొదటి బిగ్ బాస్ సీజన్ ను తలదన్నేలా టీఆర్పీ రేటింగ్ వచ్చింది. కాగా చివరి రోజు ఫైనల్ గెలిచిన అనంతరం పల్లవి ప్రశాంత్ ఫ్యాన్స్ చేసిన హంగామాతో బస్సు అద్దాలు ధ్వంసం, ఇతర ఆస్తుల దాడి కేసులో పల్లవి ప్రశాంత్ చివరకు జైలుకు వెళ్లే పరిస్థితి ఎదురైంది.
కొత్త కాన్సెప్ట్ కొత్త విధానంలో బిగ్ బాస్ 8ను ఫ్లాన్ చేస్తున్నారు. ఇది సక్సెస్ చేయడానికే ప్రయత్నిస్తున్నారు. . సీజన్ 8 ఆగస్టు చివరి వారంలో లేదా.. సెప్టెంబర్ మొదటి వారంలో ప్రారంభించనున్నట్లు తెలుస్తోంది. ఈ సీజన్ లో గతంలో మాదిరిగా కాకుండా బాగా పేరున్న కంటెంస్టులకు ప్రాధాన్యం ఇవ్వాలని వారితో సరికొత్త టాస్క్ లు ఆడించే ప్రయత్నం చేస్తున్నట్లు సమాచారం.
కాగా హిరో రోహిత్ తో డీల్ ఓకే అయిందని బిగ్ బాస్ 8 వ సీజన్ లో అతడిని చూడబోతున్నట్లు తెలుస్తోంది. శంకర్ దాదా ఎంబీబీఎస్ మూవీలో మెగాస్టార్ చిరంజీవి ఫ్రెండ్ గా రోహిత్ నటించాడు. దీంతో మెగా అభిమానులు రోహిత్ కు మద్దతు తెలుపుతారని అందరూ అనుకుంటున్నారు. కాగా రోహిత్ తో పాటు విష్ణుప్రియ, కిరాక్ ఆర్పీ, బుల్లెట్ భాస్కర్, సోనియా సింగ్ మరింత మంది స్టార్లు ఈ సీజన్ లో మెరవబోతున్నారు.