Vishwambhara : మల్టీ స్టారర్ గా విశ్వంభర.. ఎవరెవరు ఉన్నారంటే?
Vishwambhara
Vishwambhara : టాలీవుడ్ పెద్దన్న, బాస్ మెగాస్టార్ చిరంజీవి గురించి పరిచయం అవసరం లేదు. జానర్ ఏదైనా సరిగ్గా ఫిట్టయ్యే హీరో మెగాస్టార్ మాత్రమే. ఫ్యామిలీ, ఎంటర్ టైనర్, యాక్షన్, ఫిక్షన్ జానర్ ఏదైనా ఆయనను కొట్టిన పిండే. తన అభిమానులను అలరించేందుకు ఎప్పుడూ ముందు వరుసలో ఉంటారు మెగాస్టార్. వాల్తేర్ వీరయ్య మిక్స్ డ్ టాక్ తో కొంత మేరకు అలరించకపోవడంతో మరింత మంచి ప్రాజెక్ట్ తో మన ముందుకు రాబోతున్నాడు. డైరెక్టర్ వశిష్ణ చిరంజీవి కాంబోలో ‘విశ్వంభర’ తెరకెక్కబోతోంది. దీనిలో భారీ క్రూను తీసుకుంటున్నట్లు తెలుస్తోంది. ఈ భారీ తారాగణం గనుక నటిస్తే మల్టీ స్టారర్ చిత్రంగా మారుతుందని టాలీవుడ్ సర్కిల్ లో టాక్ వినిపిస్తుంది.
తాజాగా టాలీవుడ్ సర్కిల్ లో జరుగుతున్న ప్రచారం ఏంటంటే. ఈ చిత్రానికి సంబంధించిన నటీనటుల ఎంపిక విషయంలో చాలా జాగ్రత్తలు తీసుకుంటున్నాడు దర్శకుడు వశిష్ట. ఈ సినిమాలో త్రిష కృష్ణన్ కథానాయికగా ఇప్పటికే కన్ఫర్మ్ అయ్యారు. ఆమెతో పాటు చిరంజీవికి అక్కా చెల్లెల్లుగా చాలా మంది యువ కథానాయికలు కనిపించనున్నారట. ఆషికా రంగనాథ్, సురభి, ఈషాచావ్లా పేర్లు చర్చల్లో ఉండగా.. మరికొంత మందిని కూడా ఆలోచిస్తున్నారట.
మరోవైపు యంగ్ జనరేషన్ లో కామెడీ కింగ్ లుగా ఉన్న కమేడియన్స్ వెన్నెల కిషోర్, ప్రవీణ్ మరియు హర్షవర్ధన్‌తో పాటు యువ హీరోలు రాజ్ తరుణ్, నవీన్ చంద్ర కూడా ఈ ప్రాజెక్ట్ కోసం పని చేయబోతున్నట్లు తెలుస్తోంది.
కృనాల్ కపూర్ ప్రతి నాయకుడి పాత్రకు ఎంపిక చేశారు. రావు రమేష్ కు కీలక పాత్ర కల్పించినట్లు తెలుస్తోంది. మృణాల్‌ ఠాకూర్‌, మీనాక్షి చౌదరిని కూడా ప్రాజెక్టులో భాగం చేసుకోవాలని యూనిట్ చర్చలు జరుపుతుంది. కానీ దీనిపై స్పష్టత లేదు. ఇంకా చాలా మంది స్టార్లు ఈ సినిమాలో నటిస్తున్నారు. సీనియర్ చిరంజీవిని బాస్ గా తీసుకుంటే స్టార్ తారాగణమే నటిస్తున్నట్లు తెలుస్తోంది.
MM కీరవాణి సంగీత దర్శకుడిగా రానున్న ఈ సినిమా ప్రాజెక్ట్ UV క్రియేషన్స్ ద్వారా బ్యాంక్రోల్ చేయబడింది.