Chiranjeevi
Chiranjeevi : పుట్టిన రోజు సందర్భంగా మెగాస్టార్ చిరంజీవికి ఏపీ సీఎం చంద్రబాబు శుభాకాంక్షలు తెలిపారు. ఈ మేరకు గురువారం సోషల్ మీడియా (ఎక్స్) వేదికగా ఆసక్తికర పోస్టు పెట్టారు. తరాలు మారినా చెక్కు చెదరని ప్రేక్షకాభిమానం చిరంజీవి సొంతమని అన్నారు. సినీ ఇండస్ట్రీలో స్వయంకృషితో ఎదిగి ఎన్నో విజయాలు సాధించారని కొనియాడారు. అద్భుతమైన పాత్రలు చేసి ప్రేక్షకుల గుండెల్లో చిరస్థాయిగా స్థానం సంపాదించుకున్నారని పేర్కొన్నారు.
అంతేకాదు, ఐ బ్యాంక్, బ్లడ్ బ్యాంక్ వంటి వాటితో ఎంతో మంది పేదలకు ప్రాణదానం చేశారని గుర్తు చేశారు. మంచి నటుడే కాదని, మానవత్వం ఉన్న మనిషి అని అన్నారు. పేరు సార్థకం చేసుకునేలా ఆయన చిరంజీవిగా ఉండాలని, ఆయనకు భగవంతుడు సంపూర్ణ ఆయురారోగ్యాలు ప్రసాదించాలని కోరుకుంటున్నానని చంద్రబాబు సోష్ మీడియాలో పేర్కొన్నారు.