Chiranjeevi:ముఖ్య‌మంత్రి రేవంత్‌రెడ్డిని క‌లిసిన మెగాస్టార్
Chiranjeevi:తెలంగాణ ఎన్నిక‌ల్లో కాంగ్రెస్ అనూహ్య విజ‌యాన్ని సాధించి అధికారాన్ని హ‌స్త‌గ‌తం చేసుకున్న విష‌యం తెలిసిందే. ముఖ్య‌మంత్రిగా రేవంత్‌రెడ్డి ప్ర‌మాణ స్వీకారం చేయ‌డం, ప్ర‌భుత్వం కొలువుదీర‌డం అన్నీ చ‌క‌చ‌కా జ‌రిగిపోయాయి. 18 మంది మంత్రుల‌కు గానూ ముఖ్య‌మంత్రితో పాటు 12 మంది మంత్రులుగా ప్ర‌మాణ స్వీకారం చేసి బాధ్య‌త‌ల్ని స్వీక‌రించారు. విధుల్లో చేరి దూకుడు చూపిస్తూ వ‌రుస స‌మీక్ష‌లు నిర్వ‌హిస్తున్న విష‌యం తెలిసిందే.
ఇదిలా ఉంటే ఇప్ప‌టి వ‌ర‌కు ముఖ్మ‌మ‌త్రి రేవంత్ రెడ్డిని ఇండ‌స్ట్రీ వ‌ర్గాలు మ‌ర్యాద పూర్వ‌కంగా క‌ల‌వ‌డం జ‌ర‌గ‌లేదు. సినిమాటోగ్ర‌ఫీ శాఖ మంత్రి కోమ‌టిరెడ్డి వెంట‌క‌రెడ్డిని ఇటీవ‌లే ఇండ‌స్ట్రీ పెద్ద‌లు, స్టార్ ప్రొడ్యూస‌ర్స్ క‌లిసి అభినంద‌న‌లు తెలియ‌జేశారు. అయితే తాజాగా మెగాస్టార్ చిరంజీవి ముఖ్య‌మంత్రి రేవంత్‌రెడ్డిని సోమ‌వారం మ‌ర్యాద‌పూర్వ‌కంగా క‌లిశారు. ఆయ‌న‌కు పుష్ప‌గుచ్చం అందించి ప్ర‌త్యేకంగా ముచ్చ‌టించారు. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది.
ఇదిలా ఉంటే ప్ర‌స్తుతం మెగాస్టార్ చిరంజీవి `బింబిసార` ఫేమ్ మ‌ల్లిడి వ‌శిష్ట ద‌ర్శ‌క‌త్వంలో ఓ సోషియో ఫాంట‌సీ మూవీని చేస్తున్నారు. ఇది ఆయ‌న న‌టిస్తున్న 157వ సినిమా కావ‌డంతో ఈ ప్రాజెక్ట్‌ని అత్యంత ప్ర‌తిష్టాత్మ‌కంగా నిర్మిస్తున్నారు. యువీ క్రియేష‌న్స్ వారు నిర్మిస్తున్నారు. పంచ భూతాల నేప‌థ్యంలో సాగే విభిన్న‌మైన క‌థ‌తో రూపొందుతున్న సినిమా ఇది.