Ayyanna Patrudu : ఏపి శాసన సభాపతిగా చింతకాయల అయ్యన్న పాత్రుడు.?

Chintakayala Ayyanna Patrudu

Chintakayala Ayyanna Patrudu : ఏపీ శాసన సభాపతిగా టీడీపీ సీనియర్ నాయకుడు చింతకాయల అయ్యన్నపాత్రుడుని ఎంపిక చేసే అవకాశమున్నట్లు తెలుస్తోంది. అయ్యన్నపాత్రుడికి ఉన్న అనుభవం దృష్ట్యా సీఎం చంద్రబాబు ఆయనను స్పీకర్ గా నియమించాలన్న ఆలోచనలో ఉన్నట్లు సమాచారం.

అయ్యన్న పాత్రుడు 1983-1989, 1994-1996 మధ్య కాలంలో తెలుగుదేశం పార్టీ తరపున నర్సీపట్నం నుంచి ఆంధ్రప్రదేశ్ శాసన సభ సభ్యులుగా ఎన్నికయ్యారు. 1984-1986 లో సాంకేతిక విద్యా మంత్రిగా ఉన్నారు. 1994-96 లో రహదారులు, భవనాల శాఖా మంత్రిగా పనిచేశారు.  1996 లో 11వ లోక్ సభకు జరిగిన ఎన్నికల్లో తెలుగు దేశం తరుపున అనకాపల్లి లోక్ సభ సభ్యునిగా ఎన్నికయ్యాడు. 1999లో జరిగిన అసెంబ్లీ ఎన్నికల్లో చంద్రబాబు ముఖ్యమంత్రిగా అధికారంలోకి వచ్చిన తరువాత అయ్యన్నను అటవీశాఖ మంత్రి పదవి వరించింది. 2004 ఎన్నికల్లో అయ్యన్న ఎమ్మెల్యేగా విజయం సాధించినా, రాష్ట్రంలో కాంగ్రెస్ ప్రభుత్వం రావడంతో ఖాళీగానే ఉండిపోయారు. ఆ తరువాత 2009 ఎన్నికల్లో కాంగ్రెస్ నుంచి పోటీ చేసిన ముత్యాలపాప చేతిలో అయ్యన్న ఓటమి పాలయ్యారు. 2014 ఎన్నికలలో శాసనసభ్యునిగా విజయం సాధించి మంత్రివర్గంలో నియమించబడ్డారు.