Amaravati Farmers : చంద్రబాబు ప్రమాణ స్వీకారం.. భారీ తెరపై వీక్షించిన అమరావతి రైతులు

Amaravati Farmers

Amaravati Farmers : గుంటూరు జిల్లా తుళ్లూరులో అమరావతి ప్రాంత రైతులు, మహిళలు చంద్రబాబు ప్రమాణ స్వీకారాన్ని ప్రత్యేకంగా ఏర్పాటు చేసిన భారీ తెరపై వీక్షించారు. ఏపీ సీఎంగా టీడీపీ అధినేత చంద్రబాబు ప్రమాణ స్వీకారం చేయడంతో ఆ పార్టీ నేతలు, కార్యకర్తలు సంబరాలు చేసుకుంటున్నారు. రాష్ట్రంలోని వివిధ ప్రాంతాల్లో ఎల్ఈడీ స్క్రీన్లను ఏర్పాటు చేసి ఈ కార్యక్రమాన్ని వీక్షించారు.

గుంటూరు జిల్లా తుళ్లూరులో రాజధాని ప్రాంత రైతులు, మహిళలు ప్రత్యేకంగా ఏర్పాటు చేసిన తెరపై అమరావతి రూపకర్త చంద్రబాబు ప్రమాణ స్వీకార కార్యక్రమాన్ని తిలకించారు. అమరావతి పరిరక్షణ సమితి ఆధ్వర్యంలో ఈ ఏర్పాటు చేశారు. జై అమరావతి, జై చంద్రబాబు నినాదాలతో ఆ ప్రాంతాన్ని హోరెత్తించారు. నంద్యాల జిల్లా గడివేములలో చంద్రబాబు ప్రమాణ స్వీకార కార్యక్రమాన్ని మహిళలు ఎల్ఈడీ స్క్రీన్లపై వీక్షించారు.