Chandrababu : నేడు రాష్ట్రానికి రానున్న చంద్రబాబు

Chandrababu

Chandrababu : ప్రధాని మోడీ ప్రమాణ స్వీకారానికి హాజరైన టిడిపి అధినేత చంద్రబాబు  ఈరోజు (సోమవారం) ఉదయం 9 గంటలకు అమరావతికి రానున్నారు. మధ్యాహ్నం 12 గంటలకు గన్నవరం విమానాశ్రయానికి చేరుకుని, మధ్యాహ్నం 12 .30 గంటలకు ఉండవల్లిలోని నివాసానికి చేరుకోనున్నారు.

ఆంధ్రప్రదేశ్‌ ముఖ్యమంత్రిగా చంద్రబాబు నాయుడు బుధవారం  (12న) గన్నవరం విమానాశ్రయం ఎదురుగా ఉన్న స్థలంలో ప్రమాణ స్వీకారం చేయనున్నారు. ఈ నేపథ్యంలో మంత్రివర్గ ఏర్పాటుపై కసరత్తు చేయనున్నారు. ఈ క్రమంలో చంద్రబాబు కొత్త కేబినెట్ లో టీడీపీతో పాటు జనసేన, బీజేపీలు చేరడం ఖాయం. అలాగే టీడీపీ నుంచి ఎవరెవరికి బెర్తులు దక్కుతాయనే చర్చ జరుగుతోంది. ఈ సారి చంద్రబాబు సీనియర్లతో పాటుగా మహిళలు, యువతకు కూడా ప్రాధాన్యమివ్వాలని భావిస్తున్నట్లు తెలుస్తోంది.

12న బుధవారం గన్నవరం విమానాశ్రయం ఎదురుగా ఉన్న స్థలంలో ప్రమాణ స్వీకారం కార్యక్రమం ఉన్నందున  చెన్నై-కోల్‌కత్తా జాతీయ రహదారిపై ఆంక్షలు, ట్రాఫిక్ మళ్లింపులు అమల్లో ఉంటాయని పోలీసులు ప్రకటించారు.