Mudragada Padmanabham
Mudragada Padmanabham : కాపు ఉద్యమాన్ని అణచివేసి, తన కుటుంబాన్ని వేధించిన ఘనుడు చంద్రబాబు నాయుడు అని కాపు ఉద్యమ నేత, మాజీమంత్రి, వైసీపీ నాయకుడు ముద్రగడ పద్మనాభం ఆరోపించారు. ఎన్నికల ప్రచారంలో భాగంగా నిర్వహించిన సభలో ఆయన మాట్లాడుతూ అధికారం అనే ఆకలితో చంద్రబాబు అలమటిస్తున్నాడని, అలాంటి చంద్రబాబుతో పవన్ కళ్యాణ్ జత కడతారా..? అని ప్రశ్నించారు.
చంద్రబాబు ఎమ్మెల్యే అయిన తర్వాత పెంకుటింటికి మరమ్మతులు చేయించుకున్నారని, ఎమ్మెల్యే అయేంత వరకు ఆ ఇంటిలోనే ఉన్న చంద్రబాబు.. ఉన్న పళంగా కోటీశ్వరుడు ఎలా అయ్యారో ప్రజలకు చెప్పాలని కోరారు. చంద్రబాబు వయస్సు పెద్దైంది.. అబద్దాలు ఆపూేయండి.. జగన్ కు ఓటేయొద్దని చెప్పే హక్కు చంద్రబాబుకు లేదు. ఎన్టీఆర్ కు వెన్నుపోటు పొడిచి.. స్వేచ్ఛగా తిరుగుతున్నారు. ఇంకేమి స్వేచ్ఛ కావాలో చెప్పండని మండిపడ్డారు. పవన్ కళ్యాణ్ సినిమాల్లోనూ, రాజకీయాల్లోనూ నటించేస్తున్నారని, యువతను పాడు చేయకండని చెప్పారు. సినిమా హీరోలతో తిరిగి యువత బంగారు భవిష్యత్తు పాడు చేసుకోవద్దు, మీరు మీ కాళ్ల మీద నిలబడాలని యువతను కోరారు.