Chandrababu – Pawan Kalyan : పొత్తు పొడుపులు సాగుతున్నాయి.. టీడీపీ, జనసేన మధ్య పొత్తుపొడుపులు పొడుస్తున్నాయి. చంద్రబాబు నివాసానికి చేరుకున్న పవన్ కళ్యాణ్ ఈ మేరకు చర్చలు జరుపుతున్నారు. కొనసాగుతోన్న టీడీపీ అధినేత చంద్రబాబు, జనసేన అధ్యక్షుడు పవన్ కల్యాణ్ భేటీ సీట్లపై కసరత్తు చేస్తున్నారు.
చంద్రబాబు, పవన్ కళ్యాణ్ మధ్యన ప్రధానంగా మూడు అంశాలపై ఇరువురి మధ్య చర్చలు జరిగాయి. అధికార పార్టీ జాబితాలు ప్రకటిస్తుండటంతో టీడీపీ, జనసేన నేతలపై ఒత్తిడి పెరుగుతోంది.
సంక్రాంతి నాటి భేటీలో ప్రాథమికంగా కొలిక్కివచ్చిన సీట్ల సంఖ్యను పరిగణలోకి తీసుకున్నారు. అయితే పెరుగుతున్న ఒత్తిడితో స్థానాలు పెంచాలని కోరుతున్న జనసేనకు టీడీపీ అన్ని స్థానాలు ఇస్తుందా? అన్న దానిపై చర్చలు సాగుతున్నాయి. నేటి చర్చల్లో తుదిమెరుగులు దిద్దుతున్న ఇరుపక్షాల అధినేతలు.. దాదాపు 3 గంటల పాటు సమావేశం కొనసాగింది.
తెదేపా-జనసేన పోటీ చేసే స్థానాలపై స్పష్టతకు వచ్చిన చంద్రబాబు, పవన్.. జనసేన పోటీ చేసే స్థానాల్లో తెదేపా ఆశావహులకు అధిష్ఠానం నచ్చజెప్పనుంది.
తెదేపా ఆశావహుల రాజకీయ భవిష్యత్తుకు అధిష్ఠానం హామీ ఇవ్వనుంది. తెదేపా పోటీ చేసే స్థానాల్లో జనసేన ఆశావహులకు నచ్చజెప్పనున్న అధిష్ఠానం ఈమేరకు ఉభయ కుశలోపరిగా వ్యవహరించనున్నట్టు సమాచారం.
ఆశావహులకు నచ్చజెప్పాక స్థానాలు ప్రకటించనున్న చంద్రబాబు, పవన్ లు ఈ మేరకు ఓ నిర్ణయానికి వచ్చినట్టు సమాచారం.