CM Revanth Reddy:సీఎం రేవంత్ రెడ్డికి శుభాకాంక్ష‌లు తెలిపిన చంద్ర‌బాబు, వైఎస్ జ‌గ‌న్‌
CM Revanth Reddy:తెలంగాణ ముఖ్య‌మంత్రిగా ప్ర‌మాణ స్వీకారం చేసిన రేవంత్ రెడ్డికి అన్ని వ‌ర్గాల నుంచి శుభాకాంక్ష‌లు వెల్లువ మొద‌లైంది. ప్ర‌ముఖులు, శ్రేయోభిలాషులు, అభిమానులు, సామాన్య ప్ర‌జ‌లు, విద్యార్థులు రేవంత్‌రెడ్డిపై ప్ర‌శంస‌లు కురిపిస్తూ శుభాకాంక్ష‌లు తెలియ‌జేస్తున్నారు. ఏపీ మాజీ ముఖ్య‌మంత్రి, టీడీపీ జాతీయ అధ్య‌క్షుడు నారా చంద్ర‌బాబు నాయుడు, ఏపీ సీఎం సీఎం వైఎస్ జ‌గ‌న్‌తో పాటు మెగాస్టార్ చిరంజీవి, జ‌న‌సేన అధినేత ప‌వ‌న్‌క‌ల్యాణ్ త‌దిత‌రులు శుభాకాంక్ష‌లు తెలియ‌జేశారు.
తెలంగాణ ముఖ్య‌మంత్రిగా ప‌ద‌వీ ప్ర‌మాణం స్వీకారం చేసిన ఎనుముల రేవంత్ రెడ్డి గారికి శుభాకాంక్ష‌లు. విజ‌య‌వంతంగా ఈ ట‌ర్మ్ ప్ర‌జ‌ల‌కు సేవ‌చేయాల‌ని కోరుకుంటున్నాను.
-టీడీపీ జాతీయ అధ్య‌క్షులు ఎన్‌. చంద్ర‌బాబు నాయుడు
తెలంగాణ‌లో కొలువుదీరిన కొత్త ప్ర‌భుత్వానికి అభినంద‌న‌లు. ప్ర‌మాణ స్వీకారం చేసిన ముఖ్య‌మంత్రి రేవంత్ రెడ్డి గారికి, డిప్యూటీ సీఎం భ‌ట్టి విక్ర‌మార్క గారికి, మంత్రుల‌కు శుభాకాంక్ష‌లు. రెండు తెలుగు రాష్ట్రాల మ‌ధ్య సోద‌ర‌భావం, స‌హ‌కారం ప‌రిఢ‌విల్లాల‌ని మ‌న‌స్ఫూర్తిగా కోరుకుంటున్నాను.
-ఏపీ ముఖ్యంత్రి వైఎస్ జ‌గ‌న్మోహ‌న్‌రెడ్డి
తెలంగాణ ముఖ్య‌మంత్రిగా బాధ్య‌త‌లు చేప‌ట్టిన రేవంత్‌రెడ్డికి శుభాకాంక్ష‌లు. మీ నాయ‌క‌త్వంలో రాష్ట్రం అభివృద్ధి సాధించాలి. డిప్యూటీ సీఎం భ‌ట్టి విక్ర‌మార్క‌కు, మంత్రుల‌కు హృద‌య‌పూర్వ‌క శుభాకాంక్ష‌లు.
– మెగాస్టార్ చిరంజీవి
తెలంగాణ రాష్ట్ర ముఖ్య‌మంత్రిగా ప్ర‌మాణ స్వీకారం చేసిన రేవంత్ రెడ్డికి హృద‌య‌పూర్వ‌క శుభాకాంక్ష‌లు. ఆయ‌న మంత్రి వ‌ర్గ స‌హ‌చ‌రుల‌కు శుభాబినంద‌న‌లు. రేవంత్‌రెడ్డితో నాకు వ్య‌క్తిగ‌తంగా స్నేహం ఉంది. తెలంగాణ‌లో యురేనియం త‌వ్వ‌కాల‌ను వ్య‌తిరేకిస్తూ నిర్వ‌హించిన అఖిల‌ప‌క్ష స‌మావేశంలో ఆయ‌న పాల్గొని త‌మ పార్టీ అభిప్రాయాన్ని సూటిగా వెల్ల‌డించారు. తెలంగాణ‌లో జరిగే ఉద్య‌మాలు, వాటి నేప‌థ్యాలపై సంపూర్ణ అవ‌గాహ‌న ఉన్న నాయ‌కుడు రేవంత్ రెడ్డి.. రాష్ట్ర ప్ర‌జ‌ల ఆకాంక్ష‌ల‌కు అనుగునంగా సంక్షేమం..అభివృద్ధితో తెలంగాణ రాష్ట్రాన్ని ముందుకు తీసుకెళ్లాల‌ని మ‌న‌స్ఫూర్తిగా కోరుకుంటున్నాను.
-హీరో, జ‌న‌సేన అధినేత ప‌వ‌న్ క‌ల్యాణ్‌