China : కొంతకాలంగా చైనా తీవ్ర జనాభా సంక్షోభాన్ని ఎదుర్కొంటున్న సంగతి తెలిసిందే. దీని నుంచి బయటపడేందుకు అక్కడి పలు కంపెనీలు తమ ఉద్యోగులకు ఆసక్తికరమైన కాంటెస్ట్ లు పెడుతున్నాయి. అందులో భాగంగా ఓ కంపెనీ సింగిల్ గా ఉన్న తమ ఉద్యోగులు డేటింగ్ కు వెళ్లేలా ప్రోత్సహిస్తూ నగదు బహుమతి అందించనున్నట్లు ప్రకటించింది. ఈ మేరకు అక్కడి వార్తా పత్రికల్లో కథనాలు వచ్చాయి.
దక్షిణ చైనాలో షెన్ జెన్ లోని ఓ టెక్ కంపెనీ ఈ ప్రత్యేక ఆఫర్ ప్రకటించింది. అందుకోసం ఆ సంస్థకు చెందిన డేటింగ్ ఫ్లాట్ ఫార్మ్ లో కంపెనీలోని సింగిల్స్ బయటి వ్యక్తులు ఆకర్షితులయ్యేలా ఆప్ లో పోస్టులు పెట్టాలి. అందుకుగాని వారికి 66 యువాన్లు (భారత కరెన్సీలో రూ.770) ఇస్తారు. ఆ తర్వాత ఆ వ్యక్తితో మూడు నెలల పాటు డేటింగ్ చేయాల్సి ఉంటుంది. దీనికిగాను ఒక్కొక్కరికి వెయ్యి యువాన్లు (రూ.11,650) రివార్డును అందజేస్తారు. అయితే, ఈ ప్రకటనను కొందరు ఆహ్వానించగా.. మరికొందరు వ్యతిరేకిస్తున్నారు.