KTR : ఈడీ ఫిర్యాదు మేరకు కేటీఆర్‌పై కేసు…
KTR : బీఆర్ఎస్ పార్టీ వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావుపై బంజారాహిల్స్ పోలీస్ స్టేషన్‌లో కేసు నమోదైంది. ఢిల్లీలో మద్యం విక్రయాలకు సంబంధించి మనీలాండరింగ్ కేసులో నిందితురాలు కల్వకుంట్ల కవితను అరెస్ట్ చేసిన ఈడీ అధికారుల తీరుపై కేటీఆర్ ఫైర్ అయ్యారు. వారిపై ప్రశ్నల వర్షం కురిపించి నిలదీశారు.
ఈడీ అధికారులపై దుర్భాషలాడినందుకు కేటీఆర్ పై ఈడీ ఉద్యోగులు ఫిర్యాదు చేశారు. దీంతో పోలీస్ స్టేషన్ లో ఫిర్యాదు దాఖలు చేశారు. కేటీఆర్‌పై క్రిమినల్‌ కేసు నమోదు చేశారు. ఈడీ అధికారుల ఫిర్యాదు మేరకు బంజారాహిల్స్ పోలీసులు కేటీఆర్ పై ఏఏ సెక్షన్ల కింద కేసు నమోదు చేసిన సంగతి తెలిసిందే.