Car accident : నాంపల్లిలో కారు బీభత్సం.. నిందితుడిని చితకబాదిన స్థానికులు

Car accident

Car accident : నాంపల్లిలో ఓ కారు బీభత్సం సృష్టించింది. అధిక వేగంతో దూసుకొచ్చిన కారు అదుపుతప్పి జనాలపైకి దూసుకెళ్లింది. దీంతో పలువురు గాయపడ్డారు. దీంతో కారు నడుపుతున్న వ్యక్తి మద్యం మత్తులో ఉన్నాడని గుర్తించిన స్థానికులు అతడిని చితకబాది పోలీసులకు అప్పగించారు.

గురువారం తెల్లవారుజామున నాంపల్లిలోని రెడ్ హిల్స్ నీలోఫర్ కేప్ వద్ద ఓ కారు అదుపుతప్పి జనాలపైకి దూసుకెళ్లింది. దీంతో పలువురికి గాయాలయ్యాయి. కారు డ్రైవర్ ను పట్టుకున్న స్థానికులు, అతడు మద్యం మత్తులో ఉన్నాడని గుర్తించి చితక్కొట్టారు. సమాచారం అందుకున్న పోలీసులు ఘటనా స్థలానికి చేరుకుని నిందితుడిని అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.