Renigunta : విమాన సర్వీసు రద్దు.. రేణిగుంటలో ప్రయాణికుల ఆందోళన

Renigunta

Renigunta : రేణిగుంట విమానాశ్రయంలో ప్రయాణికులు నిరసనకు దిగారు. విమాన సర్వీసు రద్దు కావడంతో 45 మంది ప్రయాణికులు ఆందోళన చేశారు. ఫ్లయిట్ హైదరాబాద్ నుంచి ఉదయం 7.15 నిమిషాలకు రేణుగుంట వచ్చి తిరిగి 8.15 నిమిషాలకు వెళ్లాల్సి ఉంది. అయితే, విమాన సర్వీస్ రద్దు విషయం ముందస్తు సమాచారం ఇవ్వలేదని ప్రయాణికులు ఆందోళనకు దిగారు. ఉదయం నుంచి వేచి ఉన్న ప్రయాణికులు బైఠాయించి నిరసన తెలిపారు. ఎటువంటి ప్రత్యామ్నాయ ఏర్పాట్లు కల్పించకపోవడంతో ప్రయాణికులు అసహనం వ్యక్తం చేశారు. ఎయిర్ లైన్స్ మేనేజర్, సిబ్బంది నిర్లక్ష్యంగా వ్యవహరిస్తున్నారని ప్రయాణికులు మండిపడ్డారు.