Cameraman Gangatho Rambabu : దుమ్ము లేపేసిన ‘కెమెరామెన్ గంగతో రాంబాబు’ రీ రిలీజ్ కలెక్షన్స్..ఎంత వచ్చాయంటే!

Cameraman Gangatho Rambabu re-release collections

Cameraman Gangatho Rambabu : టాలీవుడ్ లో ప్రస్తుతం రీ రిలీజ్ ట్రెండ్ ఏ రేంజ్ లో కొనసాగుతుందో మన అందరికీ తెలిసిందే. ఈ రిలీజ్ ట్రెండ్ లో అత్యధిక రికార్డ్స్ ఉన్న హీరోగా పవర్ స్టార్ పవన్ కళ్యాణ్ నిలిచాడు. ఆయన హీరో గా నటించిన ఖుషి, జల్సా చిత్రాలు రీ రిలీజ్ అయ్యి ఆల్ టైం రికార్డ్స్ ని నెలకొల్పాయి. ఆ తర్వాత వచ్చిన ‘తొలిప్రేమ’ సినిమా మూడవ పార్టీ కి సంబంధించిన సినిమా కాబట్టి ప్రోత్సహించొద్దు అని పవన్ కళ్యాణ్ ఫ్యాన్ క్లబ్స్ పెద్ద ఎత్తున ప్రచారం చేసినప్పటికీ కూడా ఈ సినిమా రీ రిలీజ్ ని కూడా బంపర్ హిట్ ని చేసారు ఫ్యాన్స్.

రీ రిలీజ్ లో ఈ సినిమాకి దాదాపుగా రెండు కోట్ల రూపాయిల గ్రాస్ వసూళ్లు వచ్చాయి. ఇక ఆ తర్వాత గత ఏడాది పవన్ కళ్యాణ్ పుట్టినరోజు సందర్భంగా ‘గుడుంబా శంకర్’ ని రీ రిలీజ్ చెయ్యగా ఆ సినిమాకి కూడా కోటి 70 లక్షల రూపాయిల గ్రాస్ వసూళ్లు వచ్చాయి.

ఇక నేడు ఆయన కెరీర్ లో ఫ్లాప్ చిత్రాలలో ఒకటిగా నిల్చిన ‘కెమెరామెన్ గంగతో రాంబాబు’ సినిమాని రీ రిలీజ్ చేసారు. ఈ సినిమాని కూడా ఫ్యాన్స్ నిషేదించాలని సోషల్ మీడియా లో ప్రచారం చేసారు. అయినప్పటికీ కూడా ప్రధాన నగరాల్లో హౌస్ ఫుల్స్ ని నమోదు చేసుకుంటుంది ఈ చిత్రం. వర్కింగ్ డే నాడు ఒక సినిమాకి ఈ రేంజ్ ఫుల్స్ వస్తాయని ఎవ్వరూ ఊహించలేదు. ప్రస్తుతం ఉన్న ట్రెండ్ ప్రకారం చూస్తే ఈ సినిమాకి మొదటి రోజు కోటి రూపాయలకు పైగా గ్రాస్ వసూళ్లు వచ్చే అవకాశం ఉంది.  సినిమా వారం రోజులు థియేటర్స్ లో ఉండే అవకాశం ఉన్నందున ఫుల్ రన్ లో ఈ చిత్రానికి రెండు కోట్ల రూపాయలకు పైగా గ్రాస్ వస్తుందని ఆశిస్తున్నారు ఫ్యాన్స్.

పవన్ కళ్యాణ్ నుండి సినిమా విడుదలై రెండేళ్లు కావొస్తుంది. గత ఏడాది బ్రో సినిమాతో మన ముందుకు వచ్చినప్పటికీ కూడా ఆ చిత్రం లో ఆయన కేవలం ముఖ్య పాత్ర మాత్రమే పోషించాడంతే. ఆయన హీరో గా నటించిన ‘ఓజీ’ చిత్రం ఈ ఏడాది సెప్టెంబర్ 27 వ తారీఖున విడుదల కాబోతుంది. అప్పటి వరకు ఆయన నుండి సినిమా రాదు కాబట్టి ఫ్యాన్స్ కెమెరామెన్ గంగతో రాంబాబు చిత్రాన్ని ప్రోత్సహించినట్టు తెలుస్తుంది.