Teacher MLC : ఏపీలో తూర్పుగోదావరి-పశ్చిమగోదావరి ఉపాధ్యాయ ఎమ్మెల్సీ స్థానంలో ఉప ఎన్నికకు కేంద్ర ఎన్నికల సంఘం సోమవారం షెడ్యూల్ విడుదల చేసింది. తూర్పుగోదావరి-పశ్చిమగోదావరి ఉపాధ్యాయ ఎమ్మెల్సీగా ఉన్న షేక్ సాబ్జీ రోడ్డు ప్రమాదంలో మృతి చెందడంతో ఇక్కడ ఉపఎన్నిక అనివార్యమైంది. దీంతో ఇక్కడ ఉప ఎన్నిక కోసం ఈ నెల 11న నోటిఫికేషన్ విడుదల చేయనున్నట్లు ఈసీ తెలిపింది. నవంబరు 18 వరకు నామినేషన్ల స్వీకరిస్తారు. 19న నామినేషన్లను పరిశీలిస్తారు. నామినేషన్ల ఉపసంహరణకు తుద గడువు నవంబరు 21. డిసెంబరు 5 (గురువారం)న ఉదయం 8 గంటల నుంచి సాయంత్రం 4 గంటల వరకు పోలింగ్ నిర్వహించి, డిసెంబరు 9న ఓట్ల లెక్కింపు చేపట్టి ఫలితాలు ప్రకటించనున్నట్లు ఫలితాలు తెలిపారు.
గతంలో తూర్పుగోదావవరి-పశ్చిమగోదావరి ఉపాధ్యాయ నియోజకవర్గం నుంచి పీడీఎఫ్ తరపున గెలిచిన యూటీఎఫ్ నేత షేక్ సాబ్జీ గత ఏడాది డిసెంబరు 15న రోడ్డు ప్రమాదంలో మృతి చెందిన విషయం తెలిసిందే. ఆయన పదవీ కాలం 2027 మార్చి 29 వరకు ఉండడంతో ఇక్కడ ఉపఎన్నిక నిర్వహించాలని కేంద్ర ఎన్నికల సంఘం నిర్ణయించింది.