Srileela : ‘కిస్సిక్’ అంటున్న బన్నీ- శ్రీలీల… పుష్ప-2 ఐటెం సాంగ్ ఫొటో లీక్.. వైరల్

Srileela in Pushpa

Srileela in Pushpa 2 : ఐకాన్‌స్టార్‌ అల్లు అర్జున్‌, సుకుమార్‌ కాంబినేషన్‌లో రాబోతున్న పుష్ప-2 కోసం కోట్లాది మంది ప్రేక్షకులు ఆసక్తిగా ఎదురు చూస్తున్నారు. ఇప్పటికే విడుదలైన ఈ సినిమాలోని పాటలు ఉర్రూతలూగిస్తున్నాయి. టైటిల్ సాంగ్ తో పాటు సూసేకి అగ్గిరవ్వ మాదిరే పాటలు సోషల్ మీడియాలో ట్రెండింగ్ లో ఉన్నాయి.

పాన్ ఇండియన్ సినిమా ‘పుష్ప-2’ .ప్రపంచవ్యాప్తంగా అటు బన్నీ ఫాన్స్ తో పాటు కోట్లాది మంది సినీ ప్రియులు ఎంతో ఆసక్తిగా ఈ మూవీ కోసం ఎదురుచూస్తున్నారు. ముందుగా డిసెంబర్ 6న విడుదల చేస్తామని హీరో అల్లు అర్జున్ తో పాటు నిర్మాతలు ప్రకటించిన విషయం తెలిసిందే. అయితే ఒక్కసారిగా మరోసారి ఈ సినిమా విడుదల తేదీ మారింది. అయితే ఈసారి సినిమా విడుదల ఒక రోజు ముందుకు  జరగడంతో బన్నీ అభిమానులు ఖుషీ అవుతున్నారు.
ఇక ఈ సినిమాలో ఐటెం సాంగ్ గురించి ఎప్పటి నుంచో చర్చ సాగుతున్న విషయం తెలిసిందే. మొదటి పార్ట్ లో ఊ అంటావా మావా..ఊఊ అంటావా అనే పాటతో బన్నీ, సమంత దుమ్ము రేపిన విషయం తెలిసిందే. ఈ పాట భాషలతో సంబంధం లేకుండా దేశ వ్యాప్తంగా సంచలనం సృష్టించింది.  పార్ట్-2లో ఎవరు ఐటెం సాంగ్ చేయబోతున్నారనే దానిపై ఆసక్తి నెలకొంది. ఈ పాటలో పలానా హీరోయిన్ చేయబోతున్నదనే పేర్లు వినిపించాయి.

ఇక ఎట్టకేలకు  ఈ సినిమాలోకి స్పెషల్ సాంగ్ చిత్రీకరణ ప్రారంభమైంది. ఈ సాంగ్ కోసం టాలీవుడ్ డాన్సింగ్ డాల్ శ్రీలీలను మేకర్స్ ఎంపిక చేశారు. ఐదు రోజులుగా ఈ ఐటెం సాంగ్ ను చిత్రీకరిస్తున్నారు. అయితే ఈ స్పెషల్ సాంగ్ పేరును మేకర్స్ ఇప్పటికే ప్రకటించారు . బన్నీ శ్రీలీలపై వచ్చే ఈ పాట ‘కిస్సిక్’ అంటూ సాగనుంది. మొదటి పార్ట్ లోని ఊ ‘అంటావా మావ’ ఎలాగైతే సెన్సేషన్ అయిందో రాబోతున్న ‘కిస్సిక్’ కూడా అంత కన్నా పాపులర్ అవుతుందని మేకర్స్ భావిస్తున్నారు. ఈ ‘కిస్సిక్’ సాంగ్ లోని ఓ ఫోటో నెట్టింట లీక్ అయింది. పింక్ డ్రెస్ లో   హీరో అల్లు అర్జున్, శ్రీలీల ఈ ఫొటో కనిపించి ఈ పాటపై అంచనాలను మరింత పెంచేశారు.. దేవిశ్రీ ప్రసాద్ మ్యూజిక్ అందించిన ఈ కిస్సిక్ పాటలోని పిక్ నెట్టింట  హల్ చల్ చేస్తున్నది.