Allu Arjun : బన్నీ చేతిలో మూడు బడా ప్రాజెక్టులు.. ముందుగా చేసేది ఏ సినిమా అంటే?

Bunny has three big projects in hand

Allu Arjun : పుష్పతో పాన్ ఇండియా క్రేజ్ సంపాదించుకున్న అల్లు అర్జున్ ఏకంగా.. జాతీయ ఉత్తమ నటుడు అవార్డును సైతం దక్కించుకున్నాడు. ఇక ఆయన ఫోకస్ పుష్ప2పై పెట్టారు. ఎలాంటి కాంప్రమైజ్ కాకుండా సినిమాను మరింత బాగా తీయాలని అనుకుంటున్నారు. అందుకే ఈ సినిమాకు ఎక్కువ డేట్స్ ఇచ్చి ఇది కంప్లీట్ అయిన తర్వాత మరో ప్రాజెక్ట్ లోకి వెళ్లనున్నారు. పుష్ప2 తర్వాత తన నెక్ట్స్ ప్రాజెక్ట్ ఏంటని సర్వత్రా చర్చ జరుగుతోంది.

ప్రస్తుతం అల్లు అర్జున్ మూడు ప్రాజెక్టులకు ఓకే చెప్పాడు. అందులో ఏది ముందు మొదలు పెడతాడోనని అభిమానులు కూడా ఆతృతగా ఎదురు చూస్తున్నారు. తన తండ్రి అల్లు అరవింద్ నిర్మాణ సంస్థ గీతా ఆర్ట్స్‌లో ఒక మూవీ చేయనున్నాడు. దీనికి బోయపాటి శ్రీను దర్శకత్వం వహిస్తారని తెలుస్తోంది. బోయపాటి ఇప్పటికే ఐకాన్ స్టార్ కు కథ చెప్పారట. ఆయన కూడా దానికి గ్రీన్ సిగ్నల్ ఇచ్చినట్లు తెలుస్తోంది. వీరి కాంబోలో గతంలో ‘సరైనోడు’ వచ్చింది. కలెక్షన్ల పరంగా భారీ విజయం సాధించింది. ఈ ఏడాది మధ్యలో పుష్ప2ను రిలీజ్ చేసి చివరలో ఈ ప్రాజెక్ట్ ను సెట్స్ మీదకు తీసుకెళ్తారని తెలుస్తోంది. బోయపాటితో సినిమాపై ప్రొడ్యూసర్ అల్లు అరవింద్ కన్ఫర్మ్ చేశాడు. హీరో ఎవరు అన్నది చెప్పాలేదు. ఐకాన్ స్టారేనని ఓపెన్ సీక్రెట్ గా మెయింటెన్ చేస్తున్నారు.

మరో ప్రాజెక్ట్ త్రివిక్రమ్ శ్రీనివాస్ తో కూడా ఉంది. కానీ ఇది ఇప్పట్లో మొదలు పెట్టేలా కనిపించడం లేదు. దీంతో పాటు తమిళ్ స్టార్ డైరెక్టర్ అట్లీతో కూడా ఒక సినిమా ఆఫర్ ఉంది. అయితే ఇది అట్లీ దర్శకత్వంలో వచ్చే తొలి తెలుగు సినిమా కాబోతుందని తెలుస్తుంది. అందరూ స్టార్ దర్శకులే కావడంతో అల్లు అర్జున్‌కు ఏ ప్రాజెక్ట్ ను సెట్స్ పైకి తీసుకెళ్తాడోనన్న ఆసక్తి ఆయన అభిమానుల్లో కనిపిస్తుంది. పుష్ప 2’లో అల్లు అర్జున్‌కు జోడీగా రష్మిక మందన్న నటిస్తుండగా, సుకుమార్ దర్శకత్వం వహిస్తున్నారు. ఈ సినిమాపై అభిమానుల్లో చాలా అంచనాలు ఉన్నాయి.