Tirupati : తిరుపతిలోని హోటళ్లకు బాంబు బెదిరింపులు

Tirupati News : ప్రముఖ పుణ్యక్షేత్రం తిరుపతిలోని మరో హోటల్ కు బాంబు బెదిరింపులు రావడం కలకలం రేపింది. తిరుపతిలోని రాజ్ పార్క్ హోటల్ కు బాంబు బెదిరింపులు రావడంతో వారు పోలీసులకు సమాచారం ఇచ్చారు. దీంతో పోలీసులు హోటల్ కు చేరుకొని విస్తృతంగా తనిఖీలు చేశారు. మరో వైపు గురువారం లీలామహాల్ సమీపంలోని మూడు హోటల్స్, రామానుజ కూడలిలోని మరో హోటల్ కు మెయిల్ ద్వారా బెదిరింపులు రావడంతో పోలీసులు తనిఖీలు జరిపిన విషయం తెలిసిందే. డీఎస్పీ వెంకట నారాయన పర్యవేక్షణలో సిబ్బంది ప్రత్యేక బృందాలతో తనిఖీలు చేశారు. అయితే ఎక్కడా పేలుడు పదార్థాలు లేవని నిర్ధారణ కావడంతో ఊపిరి పీల్చుకున్నారు. బాంబు బెదిరింపు కాల్ పై పోలీసులు కేసు నమోదు చేసి దర్యాప్తు చేస్తున్నారు.