Mahesh Babu
Mahesh Babu : ‘ఇండియన్ కామెరూన్’ రాజమౌళి థాట్స్ ఓ రేంజ్ లో ఉంటాయి. మగధీర, బహుబలి, ఆర్ ఆర్ ఆర్ మూవీలతో ఆయన సత్తా ఏంటో భారత్ మాత్రమే కాదు ప్రపంచమంతా చూసింది. జపాన్ దేశంలో త్రిపుల్ ఆర్ మేనియా ఇంకా నడుస్తుందంటేనే అర్థం చేసుకోవచ్చు రాజమౌళి సినిమాలు ఎలా ఉంటాయో. ఆస్కార్ బరిలో నిలువడమే కాదు అవార్డును సొంతం చేసుకున్న తెలుగు సినిమాగా త్రిపుల్ ఆర్ ను మలిచిన ఆయనకు సలాం కొట్టాల్సిందే.
ఆయన సినిమాలు ఒకదానిని మించి మరొకటి ఉంటాయని మనకు తెలిసిందే. ఆయన కలలన్నీ ఓ రేంజ్ లో ఉంటాయి. తన సినిమాలో చిన్న సీన్, చిన్న పాత్ర కూడా వైవిధ్యభరితంగా ఉండేలా చూసుకుంటారు కాబట్టే ఆయన వందశాతం విజయాలతో దూసుకెళ్తున్నారు. ఇక ఆయన సినిమాలన్నీ విజువల్ వండర్సే. ఆయన హిట్ ఫార్ములా మొదటగా కథనే అని చెప్పుకోవాలి. ఆ తర్వాత క్రేజీ కాంబినేషన్లను సెట్ చేయడం. తాజాగా మహేశ్ బాబు చిత్రం కోసం ఆయన ఇప్పటికే బ్యాక్ గ్రౌండ్ వర్క్ అంతా పూర్తి చేస్తున్నారు. ఈ మూవీని భారీ బడ్జెట్ తో వరల్డ్ మార్కెట్ ను దృష్టిలో పెట్టుకుని చేస్తున్నారు. అయితే ఇందులో మహేశ్ తో ఓ క్రేజీ కాంబినేషన్ ను సెట్ చేయాలని చూస్తున్నారని టాలీవుడ్ వర్గాల టాక్.
మహేశ్-రాజమౌళి కాంబోలో వస్తున్న మూవీలో బాలీవుడ్ స్టార్ హృతిక్ రోషన్ కూడా భాగమవుతున్నట్లు విశ్వసనీయ వర్గాల సమాచారం. ఈ సినిమా కోసం బలమైన ప్రతినాయకుడి పాత్రను సృష్టించారు జక్కన్న. అందులో ఎవరైతే బాగుంటారన్న విషయంపై చాలా రోజుల నుంచి తర్జన భర్జనలు జరుగుతున్నాయి. ఇప్పుడు ఈ ఆలోచనలన్నీ హృతిక్ వరకు వచ్చి ఆగాయని తెలుస్తోంది. అన్నీ కుదిరితే మహేశ్ సినిమాలో విలన్ గా హృతిక్ కనిపించే అవకాశాలు బాగానే ఉన్నాయి.
ప్రస్తుతం ఈ సినిమా కోసం హైదరాబాద్ లోని అల్యూమినియం ఫ్యాక్టరీలో ఓ పెద్ద సెట్ వేస్తున్నారు. మే నాటికి ఈ సెట్ పనులు పూర్తవుతాయి. ఆ తర్వాతే షూటింగ్ ప్రారంభించనున్నట్లు సమాచారం. ఈలోగా హృతిక్ ఎంట్రీపై కూడా ఓ క్లారిటీ రానుంది.