Bollywood star : సినిమా సెట్లో బాలీవుడ్ స్టార్ కు గాయాలు.. ఆందోళనలో ఫ్యాన్స్
Bollywood star Injured : బాలీవుడ్ స్టార్ ఇమ్రాన్ హష్మీకి తీవ్ర గాయాలయ్యాయి. హైదరాబాద్‌లో ఓ సినిమా యాక్షన్ సన్నివేశాలను షూట్ చేస్తున్న సమయంలో ఇమ్రాన్ గాయపడినట్లు తెలుస్తున్నది. టాలీవుడ్ వెర్సటైల్ యాక్టర్ అడవి శేష్ హీరోగా నటిస్తున్న గూఢచారి 2 సినిమాలో ఇమ్రాన్ హష్మీ కీలక పాత్రలో నటిస్తున్నాడు. ఈ సినిమా సెట్స్‌లో ఇమ్రాన్ పై యాక్షన్ సీక్వెన్స్ చిత్రీకరిస్తుండగా ప్రమాదం జరిగినట్లు తెలుస్తున్నది. ఈ ఘటనలో ఇమ్రాన్ కు గాయాలైనట్లు తెలుస్తున్నది. ఇమ్రాన్ హష్మీ స్వయంగా యాక్షన్ సీన్ డిజైన్ చేసుకున్నాడని, ఈ ఫైట్ తీస్తుండగా ఒక చోట నుంచి మరో చోటకు జంప్ చేస్తున్న సమయంలో ఇమ్రాన్ మెడకు గాయమైందని సమాచారం.
ఇమ్రాన్ హష్మీ గాయపడిన ఫొటోలు నెట్టింట వైరల్ అవుతున్నాయి. ఈ ఫొటోలో ఇమ్రాన్ మెడకు గాయమైనట్లు స్పష్టంగా తెలుస్తున్నది. పవర్ స్టార్ పవన్ కళ్యాణ్ ఓజీ సినిమాలో ఇమ్రాన్ విలన్ గా నటిస్తున్నడు. తెలుగులో ఇమ్రాన్ కు ఇదే తొలి సినిమా. ఆ తర్వాత గూఢచారి -2లో కూడా కీ రోల్ పోషిస్తున్నాడు. ఇది రెండో సినిమా కావడం విశేషం.
ఇమ్రాన్ హష్మీ 2002లో ‘ఫుట్‌పాత్’ మూవీతో బాలీవుడ్‌లోకి ఎంటరయ్యాడు. ‘మర్డర్’ (2004) సినిమాతో విశేష ప్రేక్షకాదరణ పొందాడు. ఆ తర్వాత ఇమ్రాన్ హష్మి వరుసగా సినిమాలు చేసి అలరించాడు. ఇందులో ‘మర్డర్ 2’, ‘రాజ్ 3’, ‘జన్నత్’, ‘ఆషిక్ బనాయా ఆప్నే’,‘హమారీ అధురీ కహానీ’, ‘అవారపాన్’, ‘జెహెర్’, ‘జన్నత్ 2’, ‘వన్స్ అపాన్ ఎ టైమ్ ఇన్ ముంబై, ‘టైగర్ 3’ తదితర సినిమాలు చేశారు. ఇక ఇమ్రాన్ హష్మీ చేసిన సినిమాలన్నీ దాదాపు మ్యూజికల్ హిట్సే. లవర్ బాయ్ ఇమేజ్ తో పాటు సీరియల్ కిస్సర్ గా ముద్ర పడిపోయాడు.