Star heroine : నాని సరసన బాలీవుడ్ స్టార్ హీరోయిన్..! ఆనందంలో ఫ్యాన్స్..

Star heroine

star heroine : ‘దసరా’ సక్సెస్ తర్వాత అదే బ్యానర్, ప్రొడ్యూసర్ తో మరో ప్రాజెక్ట్ చేసేందుకు సిద్దం అయ్యాడు న్యాచురల్ స్టార్ నాని. పక్కా తెలంగాణ బ్యాక్ డ్రాప్ లో సాగే కథాంశంతో తెరకెక్కుతున్న ఈ చిత్రానికి సంబంధించి కాస్టింగ్ ఇటీవలే ప్రారంభమైంది. హీరోయిన్ ను ఎంపిక చేసుకునేందుకు డైరెక్టర్ ప్రయత్నాలు చేస్తున్నాడు. ఇండస్ట్రీలోని స్టార్ హీరోయిన్ అయితే బెటర్ అని చూస్తున్నారు. స్టార్ హీరోయిన్ డేట్స్ ఖాళీగా లేకుంటే కొత్త ఫేస్ ను ఇంట్రడ్యూస్ చేయాలని అనుకుంటున్నారు. ప్రస్తుతం ‘స్త్రీ2’తో బ్లాక్ బస్టర్ కొట్టిన బాలీవుడ్ నటి శ్రద్ధా కపూర్ కావాలని చూస్తున్నారు.

పాన్ ఇండియా మార్కెట్ లక్ష్యంగా నాని బరిలోకి దిగినా హిందీ మార్కెట్ లోకి అడుగు పెట్టడం సవాలే. గతంలో ఆయన చేసిన ‘సరిపోదా శనివరం’ చిత్రం తమిళ, మలయాళ మార్కెట్లలో మంచి వసూళ్లు రాబట్టినప్పటికీ నార్త్ లో అంచనాలను అందుకోలేకపోయింది. ‘హాయ్ నాన్న’లో మృణాల్ ఠాకూర్ ను ఎలా తీసుకున్నారో అదే విధంగా శ్రద్ధా కపూర్ ను తీసుకోవడం వల్ల ఈ సినిమా అప్పీల్ ను పెంచేందుకు ముఖ్యంగా నాన్ థియేట్రికల్ మార్కెట్ లో ఈ సినిమా అప్పీల్ పెంచేందుకు ఇది దోహదపడుతుందని చిత్రబృందం భావిస్తోంది.

ఆమె డేట్స్, రెమ్యునరేషన్ పై చర్చ జరుగుతుంది. మ్యూజిక్ విషయానికొస్తే అనిరుధ్ రవిచందర్ ను కంపోజర్ గా చిత్రబృందం పరిశీలిస్తున్నప్పటికీ ఆయన అందుబాటులో ఉండకపోవడంపై మేకర్స్ ఆందోళన చెందుతున్నారు. నానితో గతంలో ‘గ్యాంగ్ లీడర్’ సినిమా చేసిన అనిరుధ్, ఆయన కమిట్మెంట్ కోసం వెయిట్ చేయాలా? లేక దేవిశ్రీ ప్రసాద్ తో వెళ్లాలా? అనే దానిపై చర్చలు జరుగుతున్నాయి. ఏది ఏమైనా హీరో నాని సరసన బాలీవుడ్ హీరోయిన్ శ్రద్ధా కపూర్ నటించడం టాలీవుడ్, నాని ఫ్యాన్స్ ఎగ్జయిట్మెంట్ కు గురవుతున్నారు.