Kanguwa Bobby Deol Poster
Kanguwa : హీరో సూర్య-దర్శకుడు శివ కాంబోలో తెరకెక్కుతున్న సినిమా ‘కంగువ’. ఈ మూవీ పాన్ ఇండియాగా రిలీజ్ చేస్తున్నట్లు మేకర్స్ చెప్తున్నారు. ఈ సినిమాలో సూర్య డిఫరెంట్ లుక్స్, గెటప్స్ లో కనిపించనున్నాడు. ఫాంటసీ యాక్షన్ డ్రామాగా తెరకెక్కుతున్న ఈ చిత్రంలో బాబీ డియోల్ ప్రతినాయకుడి పాత్రలో నటిస్తున్నారు.
ఈ మూవీ నుంచి బాబీ డియోల్ లుక్ ను ఈ రోజు (జనవరి 27)న విడుదల చేశారు మేకర్స్. ఈ పోస్టర్ లో బాబీ డియోల్ లుక్స్ క్రూరంగా కనిపిస్తున్నాయని, ఈ సినిమాలో ఆయన ఇంటెన్సివ్ క్యారెక్టర్ లో నటిస్తున్నట్లు తెలుస్తోంది.
హ్యాపీ బర్త్ డే టు మా #Udhiran #BobbyDeol సర్’ అంటూ ఫస్ట్ లుక్ పోస్టర్ ను షేర్ చేశారు మేకర్స్.
సూర్య, బాబీ డియోల్ తో పాటు దిశా పటాని, జగపతిబాబు, యోగిబాబు, రెడిన్ కింగ్ స్లే, కేఎస్ రవికుమార్ తదితరులు కీలక పాత్రల్లో కనిపిస్తున్నారు. యూవీ క్రియేషన్స్ తో కలిసి స్టూడియో గ్రీన్ ఈ చిత్రాన్ని నిర్మిస్తోంది. ఈ సినిమా విడుదల తేదీని మేకర్స్ ఇంకా కన్ఫర్మ్ చేయలేదు.
హీరో సూర్య కూడా ఇదే పోస్టర్ ను తన ఎక్స్ (ట్విటర్) ఖాతా నుంచి షేర్ చేశాడు. ‘Happy Birthday #BobbyDeol సోదరా.. అంటూ తన ట్విటర్ లో రాసుకున్నాడు.
ఇక సినిమా గురించి..
గతేడాది మేకర్స్ ఒక ఆసక్తికరమైన వీడియోతో సినిమా టైటిల్ ప్రకటించారు. టైటిల్ టీజర్ వీడియో అంతా చీకట్లో ఉంటుంది. ఒక డేగ, ఒక కుక్క, ముసుగు ధరించిన యోధుడు గుర్రంపై స్వారీ చేస్తూ వీడియోలో కనిపించాడు వెనుక భారీ సైన్యం ఉంది. 10 భాషల్లో ఈ సినిమా రిలీజ్ చేయనున్నారు.
గతంలో కంగువ కోసం ఓ ఫైట్ సీన్ షూటింగ్ సమయంలో రోప్ కెమెరా అదుపు తప్పి సూర్యపై పడింది. దీంతో ఆయన స్వల్పంగా గాయపడ్డాడు. EVP ఫిల్మ్ సిటీలో అర్ధరాత్రి ఈ సంఘటన జరిగింది.