Bobby Deol:ర‌ణ్ బీర్ కపూర్ క‌థానాయ‌కుడిగా న‌టించిన ఎమోష‌న‌ల్ యాక్ష‌న్ ఎంట‌ర్ టైన‌ర్ `యానిమల్`. సందీప్‌రెడ్డి వంగ ద‌ర్శ‌క‌త్వం వ‌హించారు. టిసిరీస్ తో క‌లిసి భ‌ద్ర‌కాళి పిక్చర్స్ బ్యానర్‌పై ప్ర‌ణ‌య్‌రెడ్డి వంగ ఈ భారీ మూవీని నిర్మించారు. నేష‌న‌ల్ క్ర‌ష్ ర‌ష్మిక మంద‌న్న హీరోయిన్‌గా న‌టించ‌గా కీల‌క పాత్ర‌ల్లో అనిల్ కపూర్, బాబి డియోల్, త్రిప్తి దిమ్రి, సురేష్ ఓబెరాయ్ న‌టించారు. టీజ‌ర్‌, ట్రైల‌ర్‌ల‌తో సంచ‌ల‌నం సృష్టించిన ఈ సినిమా డిసెంబ‌ర్ 1న ప్ర‌పంచ వ్యాప్తంగా భారీ స్థాయిలో విడుద‌లైంది.
విడుద‌లైన ఫ‌స్ట్ డే నుంచే వ‌సూళ్ల ప‌రంగా రికార్డులు సృష్టిస్తూ విమ‌ర్శ‌కుల, సెల‌బ్రిటీల ప్ర‌శంస‌ల్ని సొంతం చేసుకుంది. ఇప్ప‌టి వ‌ర‌కు ప్ర‌పంచ వ్యాప్తంగా ఈ సినిమా అన్ని భాష‌ల్లో క‌లిపి దాదాపుగా రూ.737 కోట్ల‌కు మించి వ‌సూళ్ల‌ని రాబ‌ట్టి ర‌ణ్‌బీర్ కెరీర్‌లోనే అత్య‌థిక వ‌సూళ్ల‌ని రాబ‌ట్టిన సినిమాగా రికార్డు సాధించింది. సినిమాలో ర‌ణ్‌బీర్ క‌పూర్‌తో పాటు బాబి డియోల్కు మంచి పేరొచ్చింది. ఈ సినిమా అందించిన స‌క్సెస్ జోష్‌లో ఉన్న బాబి డియోల్ ప్ర‌స్తుతం వ‌రుస క్రేజీ సినిమాల్లో న‌టిస్తున్నాడు.
అంతే కాకుండా హీరో సూర్య న‌టిస్తున్న ప్ర‌తిష్టాత్మ‌క చిత్రం `కంగువా`లోనూ బాబి డియోల్ విల‌న్‌గా న‌టిస్తున్నారు. ఈ సినిమాపై బాబి డియోల్ తాజాగా ఆస‌క్తిక‌ర వ్యాఖ్య‌లు చేశారు. “కంగువా` చిత్ర బృందం నాకెంతో న‌చ్చింది. ఇందులో సూర్య న‌ట‌న అద్భుతంగా ఉంటుంది. అలాంటి అంకిత భావం ఉన్న న‌టుడితో క‌లిసి ప‌ని చేయ‌డం ఆనందంగా ఉంది. ఇది నాకు తొలి త‌మిళ సినిమా. ఇప్ప‌టి వ‌ర‌కు నేను ఇలాంటి పాత్ర‌లో న‌టించ‌లేదు. ఇందులో నేను పోషిస్తున్న పాత్ర నా కంఫ‌ర్ట్ జోన్‌లో లేదు.
ఎందుకంటే నాకు ఈ భాష తెలియ‌దు. రెండు నెల‌ల్లో త‌మిళం నేర్చుకోలేను` అన్నారు. `కంగువా` సినిమాని అత్యంత భారీ స్థాయిలో స్టూడియో గ్రీన్ పిక్చర్స్, యువీ క్రియేష‌న్స్ నిర్మిస్తున్నారు. శివ ద‌ర్శ‌క‌త్వంలో రూపొందుతున్న ఈ సినిమా దాదాపు 38 భాష‌ల్లో విడుద‌ల కానుంది. ఐమ్యాక్స్‌, 3డీ వెర్ష‌న్‌ల‌లోనూ ఇది అందుబాటులో ఉండ‌నుంది. కంగ అనే ఓ ప‌రాక్ర‌ముడి క‌థ‌తో ఈ సినిమాని రూపొందిస్తున్నారు. బాలీవుడ్ హీరోయిన్ దిషా ప‌ఠాని ఇందులో సూర్య‌కు జోడీగా న‌టిస్తోంది. హీరో సూర్య ఈ మూవీలో ఆరు విభిన్న‌మైన రూపాల్లో క‌నిపించ‌నున్నారు.