PM Modi : పీఎం మోదీ పాల్గొన్న ఓ సభలో అనూహ్య పరిణామం చోటుచేసుకుంది. బీహార్ సీఎం నితీశ్ కుమార్ (73) ప్రధాని పాదాలకు నమస్కరించేందుకు ప్రయత్నించారు. దీంతో ఆయన్ను నిలువరించేందుకు పీఎం మోదీ (74) ప్రయత్నం చేశారు. దీనికి సంబంధించిన వీడియో సోషల్ మీడియాలో వైరల్ గా మారింది. బీహార్ లోని దర్బాంగాలో ఏర్పాటు చేసిన ఓ కార్యక్రమంలో ఈ ఘటన జరిగింది.
మోదీ పాదాలకు నితీశ్ నమస్కరించేందుకు యత్నించడం ఈ ఏడాది ఇది మూడోసారి. జూన్ లో పార్లమెంట్ సెంట్రల్ హాల్ లో ప్రధానిని కలిసిన సందర్భంలోనూ మోదీ పాదాలను తాకేందుకు నితీశ్ యత్నించారు. అంతకుముందు లోక్ సభ ఎన్నికల సమయంలోనూ నవాదాలో నిర్వహించిన ఓ సభలో ప్రధాని పాదాలను తాకారు.