Bigg Boss 7 Telugu:బిగ్‌బాస్ ఫినాలేలో ఫ‌స్ట్ ఎలిమినేష‌న్!
Bigg Boss 7 Telugu:బిగ్‌బాస్ తెలుగు సీజ‌న్ 7కు ఆదివారం ఎండ్ కార్డ్ ప‌డ‌బోతోంది. ముందు నుంచి సీజ‌న్ 7 ఉల్టాపుల్టా అంటూ ప్ర‌చారం చేసిన నిర్వాహ‌కులు పేరుకు త‌గ్గ‌ట్టే ఫైన‌ల్స్‌కి ఏడుగురు కంటెస్టెంట్‌ల‌ను పంపిస్తార‌ని అంతా భావించారు. కానీ అంద‌రి అంచ‌నాల్ని త‌ల‌కిందులు చేస్తూ ఆరుగురు కంటెస్టెంట్‌ల‌ని ఫైనాల్‌కు పంపించారు. వీరిలో ప‌ల్ల‌వి ప్ర‌శాంత్‌, శివాజీ, అమ‌ర్ దీప్‌, అర్జున్ అంబ‌టి, ప్రియాంక, యావ‌ర్ ఉన్నారు.
ఈ ఆరుగురిలో అర్జున్ అంబ‌టి రెండు వారాల క్రిత‌మే ఎలిమినేట్ కావాల్సింది,అయితే త‌ను వ‌రుస‌గా బిగ్‌బాస్ పెట్టిన ఆట‌ల్లో విజ‌యం సాధించి ఫినాలే ఆస్త్రాన్ని పొంద‌డంతో ఎలిమినేష‌న్ నుంచి త‌ప్పించుకున్నాడు. ఆ కార‌ణంగానే అంబ‌టి అర్జున్ తొలి ఫైన‌లిస్ట్‌గా నిలిచి అంద‌రిని ఆశ్చ‌ర్య‌ప‌రిచాడు. అయితే అత‌నికి బ‌లం ఉంది కానీ బ‌ల‌గం లేక‌పోవ‌డంతో మిడ్ వీక్ ఎలిమినేష‌న్‌లో త‌ను బ‌య‌టికి రావ‌డం గ్యారంటీ అనే కామెంట్‌లు వినిపించాయి.
మొద‌లైన గ్రాండ్ ఫినాలే షూటింగ్…
ఇదిలా ఉంటే గ్రాండ్ ఫినాలేకు సంబందించిన షూటింగ్ శ‌నివారం ఉద‌య‌మే మొద‌లైంది. ఇప్ప‌టికే కంటెస్టెంట్‌ల ఆట‌పాట‌ల‌కు సంబంధించిన షూటింగ్ పూర్త‌వ‌గా తాజాగా ఒక ఎలిమినేష‌న్‌కు సంబంధించిన షూట్‌ని కూడా పూర్తి చేసిన‌ట్టుగా వార్త‌లు వినిపిస్తున్నాయి. అది అంబ‌టి అర్జున్ అని సోష‌ల్ మీడియాలో ప్ర‌చారం జ‌రుగుతోంది. సింగిల్‌గా ఎలాంటి ఫౌల్స్ లేకుండా..ఎవ‌రి స‌పోర్ట్ లేకుండా ఆడి అన్నింటిలో గెలిచి ఫినాలే వ‌ర‌కు రాగ‌లిగాడు కానీ అత‌నికి ప్రేక్ష‌కుల అండ, భారీ ఓటింగ్ లేక‌పోవ‌డంతో అంబ‌టి అర్జున్ ఘోరంగా విఫ‌ల‌మ‌య్యాడు. దీంతో అత‌నే ఎలిమినేట్ అయిన‌ట్టుగా తెలుస్తోంది.