Bigg Boss Sohel
Bigg Boss Sohel : యూట్యూబ్ లో షార్ట్ ఫిలిమ్స్ ద్వారా ఫేమ్ ని సంపాదించి, ఆ తర్వాత సినిమాల్లో చిన్న చిన్న పాత్రలు పోషించి, బుల్లితెర సీరియల్స్ లో హీరోగా నటించి, బిగ్ బాస్ రియాలిటీ షో లోకి అడుగుపెట్టి కోట్లాది మంది తెలుగు ప్రేక్షకులకు దగ్గరైన కంటెస్టెంట్స్ లో ఒక సోహెల్. బిగ్ బాస్ సీజన్ 4 లో కంటెస్టెంట్ గా అడుగుపెట్టిన సోహెల్ అంటే, కొంతమంది తెలుసు, కొంతమందికి తెలియదు. కానీ ఈ రియాలిటీ షో ద్వారా సోహెల్ ప్రతీ ఒక్కరికీ ఎంతో దగ్గరయ్యాడు.
గ్రాండ్ ఫినాలే లో బిగ్ బాస్ చరిత్రలో అంతకు ముందు ఎవ్వరూ తీసుకోని విధంగా 35 లక్షల రూపాయిల ఆఫర్ ని తీసుకోని బయటకి వచ్చి సంచలనం సృష్టించిన సోహెల్, ఆ తర్వాత బిగ్ బాస్ ద్వారా వచ్చిన ఫేమ్ తో పలు సినిమాల్లో హీరోగా నటించాడు. కానీ ఒక్క సినిమా కూడా సక్సెస్ కాలేదు పాపం.
గత ఏడాది మిస్టర్ ప్రెగ్నెంట్ అనే సినిమాతో విన్నూతన ప్రయత్నం చేసిన సోహెల్ విమర్శకుల ప్రశంసలను అందుకున్నాడు కానీ, కమర్షియల్ సక్సెస్ ని మాత్రం అందుకోలేకపోయాడు. అయినప్పటికీ కూడా సోహెల్ కి సినిమా ఆఫర్స్ వస్తూనే ఉన్నాయి. రీసెంట్ గా ఆయన ‘బూట్ కట్ బాలరాజు’ అనే సినిమాతో మన ముందుకు రాబోతున్నాడు. ఫిబ్రవరి 2వ తారీఖున విడుదల అవ్వబోతున్న ఈ సినిమాకి సంబంధించిన ట్రైలర్ ని ఒక ఈవెంట్ ద్వారా నేడు విడుదల చేసారు. ఈ ఈవెంట్ లో సోహెల్ మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యింది. ఆయన మాట్లాడుతూ ‘రీసెంట్ గానే నేను నా సినిమా కోసం ప్రమోషన్ కోసం సహాయం చేయాల్సిందిగా ఒక యంగ్ హీరో కి కాల్ చేశాను. నేను కాల్ చేసి ‘సోహెల్’ అనగానే ఫోన్ కట్ చేసాడు.
ఆ తర్వాత మళ్ళీ కాల్ చేస్తే లిఫ్ట్ చెయ్యలేదు. అదే వెంకటేష్ గారికి మా సినిమా గురించి చెప్పగానే, వాట్సాప్ ద్వారా స్పందించి, ఆల్ ది బెస్ట్ అంటూ వాట్సాప్ ద్వారా తెలిపాడు. అది మనిషికి ఇచ్చే విలువ అంటే, మనమంతా మనుషులమే, దేవుళ్ళం కాదు. నాలాంటి వాళ్ళు ఇండస్ట్రీ లో ఎదగాలి అనుకుంటున్నప్పుడు మా గురించి ఒక రెండు మాటలు చెప్పడానికి ప్రయత్నం చెయ్యండి’ అంటూ సోహెల్ ఎమోషనల్ గా చేసిన కామెంట్స్ ఇప్పుడు వైరల్ గా మారాయి.