Bigg Boss:మిడ్‌వీక్ ఎలిమినేష‌న్..ఎలిమినేట్ అయ్యేది ఎవ‌రు?

Bigg Boss 7:వ‌ర‌ల్డ్ బిగ్గెస్ట్ రియాలిటీ షోగా పేరు తెచ్చుకున్న బిగ్‌బాస్ సీజ‌న్ 7 మ‌రో నాలుగు రోజుల్లో ముగియ‌నుంది. శోభా శెట్టి ఎలిమినేట్ య్యాక చివ‌రి వారంలో హౌస్‌లో ఇంకా ఆరుగురు కంటెస్టెంట్స్ మాత్ర‌మే మిగిలారు. దీంతో వంద రోజుల పాటు బుల్లితెర ప్రేక్ష‌కుల్ని విశేషంగా అల‌రించిన ఈ షో ఫైన‌ల్ విన్న‌ర్ ఎవ‌రో ఈ ఆదివారం తేల‌బోతోంది. ఈ నేప‌థ్యంలోనే ఫైన‌లిస్టుల జ‌ర్నీ గురించి ప్ర‌త్యేకంగా బిగ్‌బాస్ ఆడియన్స్‌తో పాటు కంటెస్టెంట్‌ల‌కు ప‌రిచ‌యం చేస్తున్నారు.

దీంతో ఈ వారాన్ని ఓ ఎమోష‌న‌ల్ ఎపిసోడ్‌గా మార్చిన బిగ్‌బాస్ మొద‌టి రోజు అమ‌ర్ దీప్‌, అర్జున్‌ల‌కు సంబంధించిన జ‌ర్నీ వీడియోలని చూపించి ఏడిపించేశారు. ఇక రెండ‌వ రోజు శివాజీ వీడియోతో ప్రారంభించి ప్రియాంక జ‌ర్నీ వీడియోతో ముగించాడు. వ‌రి త‌ర‌హాలో హౌస్‌లో ఉన్న ఫైన‌లిస్టులు ప‌ల్ల‌వి ప్ర‌శాంత్‌, ప్రిన్స్ యావ‌ర్‌ల జ‌ర్నీని ఈ రోజు చూపించ‌బోతున్నారు. తాజాగా ప్రిన్స్ యావ‌ర్‌కు సంబంధించిన ప్రోమోని విడుద‌ల చేశారు. ఈ సంద‌ర్భంగా యావ‌ర్ ప‌ట్టుద‌ల అద్భుత‌మ‌ని బిగ్‌బాస్ ప్ర‌శంస‌లు కురిపించారు.

ఎలిమినేట్ అయ్యేది ఎవ‌రు?..

ఈ వారంలో మిడ్‌వీక్ ఎలిమినేష‌న్ ఉన్న విష‌యం తెలిసిందే. మ‌రి వారం మ‌ధ్య‌లో హౌస్ నుంచి ఎవ‌రు బ‌య‌టికి వ‌స్తారు?..టాప్ 5లో ఎవ‌రెవ‌రు నిలుస్తారు? అన్న‌ది అభిమానుల్లో చ‌ర్చ‌నీయాంశంగా మారింది. ఎలిమినేట్ అయ్యేది ఎవ‌ర‌న్న‌ది ఈ రోజు క్లారిటీ రానుంది. ప‌ల్ల‌వి ప్ర‌శాంత్‌, శివాజీ, అమ‌ర్ దీప్ టాప్ 5లో నిలుస్తార‌ని క్లారిటీ వ‌చ్చేసింది. అయితే మిగిలిన అర్జున్‌, ప్రియాంక‌, యావ‌ర్‌ల‌లో ఎవ‌రు ఎలిమినేట్ అవుతార‌న్న‌దే ఇప్ప‌డు అభిమానుల్ని టెన్ష‌న్‌కు గురి చేస్తోంది.