BB Grand Finale:హౌస్‌లోకి శ్రీ‌ముఖి.. రైతు బిడ్డ‌కు బంప‌ర్ ఆఫర్!
BB Grand Finale:బిగ్‌బాస్ తెలుగు సీజ‌న్ 7 గ‌త కొన్ని వారాలుగా వీక్ష‌కుల్ని విశేషంగా అల‌రిస్తున్న విష‌యం తెలిసిందే. ఈ షో చివ‌రి అంకానికి వ‌చ్చేసింది. గ్రాండ్ ఫినాలే ఈ ఆదివారం గ్రాండ్‌గా జ‌ర‌గ‌బోతోంది. ఈ మెగా ఈవెంట్ కోసం నిర్వాహ‌కులైన ఎండెమోల్ ఇండియా వారు భారీ స్థాయిలో ఏర్పాట్లు చేశారు. ఇప్ప‌టి వ‌ర‌కు 6 సీజ‌న్‌లు జ‌రిగాయి. అయితే అన్నింటికి మించి భిన్న‌మైన పంథాలో ఉల్టా ప‌ల్టా అంటూ సీజ‌న్ 7ని ప్లాన్ చేశారు. దీంతో గ‌త సీజ‌న్‌ల‌కు మించి సీజ‌న్ 7 రేటింగ్ ప‌రంగా అద‌ర‌గొట్టింది.
ఇదిలా ఉంటే ఇప్ప‌టికే ఫినాలేకు సంబంధించిన ఎపిసోడ్‌ని చాలా గ్రాండ్‌గా షూట్ చేసిన‌ట్టుగా తెలుస్తోంది. ఊహించ‌ని గెస్ట్‌ల‌ని ఈ ఫినాలేకు నిర్వాహ‌కులు తీసుకొచ్చిన‌ట్టుగా వార్త‌లు వినిపిస్తున్నాయి. ప్ర‌ధాన గెస్ట్‌గా సూప‌ర్ స్టార్ మ‌హేష్‌బాబు వ‌స్తున్నార‌ని గ‌త కొన్ని రోజులుగా జోరుగా ప్ర‌చారం జ‌రుగుతోంది. అనుకున్న‌ట్టుగానే మ‌హేష్ వ‌చ్చారా? లేదా అనేది మ‌రి కొన్ని గంట‌ల్లో తేల‌బోతోంది. ఇదిలా ఉంటే శ‌నివారం ఎపిసోడ్‌కు స‌బంధించిన ఓ ప్రోమోని వ‌దిలారు.
హౌస్‌లోకి క్రేజీ యాంక‌ర్ శ్రీ‌ముఖి ఎంట్రీ ఇచ్చేసింది. హౌస్‌లో ఉన్నకంటెస్టెంట్‌ల‌తో ఓ ఆట ఆడేసుకుంది. త్వ‌ర‌లో స్టార్ మా సూప‌ర్ సింగ‌ర్ సీజ‌న్‌ని ప్రారంభించ‌బోతున్నామ‌ని తెలిపింది. అయితే మీలో కొంత మంది సింగ‌ర్స్ ఉన్నారో చిన్న ఆడిష‌న్ చేద్దామ‌ని అనుకుంటున్నాను అంటూ ఆడిష‌న్ మొద‌లు పెట్టింది. ఆ వెంట‌నే ప్ర‌శాంత్‌పై ప‌డింది. ప్ర‌శాంత్ ప్లీజ్..ఇది ఫ‌న్ టాస్క్ ఓడిపోతే హ‌గ్ ఇస్తా..గెలిస్తే గ‌ట్టి హ‌గ్ ఇస్తా కానీ ఏడ‌వ‌కు అని బంప‌ర్ ఆఫర్ ఇచ్చింది. శ్రీ‌ముఖి కోరి కోరి గ‌ట్టి హ‌గ్ ఇస్తానంటే నాకేం నొప్పి అన్న‌ట్టుగా ప‌ల్ల‌వి ప్ర‌శాంత్ సిగ్గుల మొగ్గై మెలిక‌లు తిరిగిపోయాడు.
కంటెస్టెంట్స్‌తో శ్రీ‌ముఖి ట్రూత్ ఆర్ డేర్…
శ్రీ‌ముఖి కంటెస్టెంట్స్‌తో ట్రూత్ ఆర్ డేర్…ఆడించింది. అంత‌కు ముందు సింగ‌ర్ ఆడిష‌న్స్ మొద‌ల‌వ్వ‌గానే అమ‌ర్ దీప్‌లో ఉన్న బాత్రూమ్ సింగ‌ర్ బ‌య‌టికొచ్చాడు. గోంగూర తోట‌కాడ కాపుకాశా..` అంటూ ప‌టందుకున్నాడు. కానీ మ‌ధ్య‌లో లిరిక్స్ మ‌ర్చిపోయాడు. ఆ త‌రువాత అర్జున్ పాట‌పాడి అంద‌రిని న‌వ్వించాడు. ఇక ట్రూత్ ఆర్ డేర్ గేమ్‌లో యావ‌ర్‌ని ప‌లు ప్ర‌శ్న‌లు అడిగింది. ముగ్గురు లేడీ కంటెస్టెంట్‌ల‌లో ఎవ‌రిని పెళ్లిచేసుకుంటావ‌ని అడగ్గా అశ్వినిని పెళ్లి చేసుకుంటాన‌ని యావ‌ర్ చెప్ప‌డంతో అక్క‌డ న‌వ్వులు విరిసాయి. ఇదిలా ఉంటే హౌస్‌లోకి వెళ్లిన శ్రీ‌ముఖి రూ.20ల బ్రీఫ్‌కేస్‌ని తీసుకెళ్లింద‌ని, అక్క‌డున్న ఆరుగురు కంటెస్టెంట్స్‌కు ఆఫర్ ఇచ్చింద‌ని ప్ర‌చారం జ‌రుగుతోంది. అంది నిజం అయ్యే అవ‌కాశం లేదు. కార‌ణం ఏంటంటే అలా రూ.20 ల‌క్ష‌ల డ‌బ్బుతో గ‌త సీజ‌న్‌ల‌లో సెల‌బ్రిటీల‌ను పంపించారు. సీజ‌న్ 4లో సోహైల్ రూ.20 ల‌క్ష‌లున్న బ్రీఫ్‌కేస్‌ను తీసుకుని బ‌య‌టికి వ‌చ్చేయ‌డం తెలిసిందే.