Vasanthi Krishnan:బిగ్‌బాస్ ఫేమ్ వాసంతి కృష్ణ‌న్ నిశ్చితార్థం
Vasanthi Krishnan:బిగ్‌బాస్ తెలుగు సీజ‌న్ 6లో వాసంతికృష్ణ‌న్ మంచి గుర్తింపు తెచ్చుకున్న విష‌యం తెలిసిందే. వ‌రల్డ్ బిగ్గెస్ట్ రియాలిటీ షో బిగ్‌బాస్‌లో వాసంతి తన గ్లామ‌ర్‌తో ఆక‌ట్టుకుంది. హౌస్ నుంచి బ‌య‌టికి వ‌చ్చేశాక ప‌లు సీరియ‌ల్స్‌, సిరీస్‌ల‌లో అవ‌కాశం ద‌క్కించుకున్న వాసంత త్వ‌ర‌లో పెళ్లిపీటలెక్క‌బోతోంది. ఈ నేప‌థ్యంలోనే వాసంతి ఎంగేజ్‌మెంట్ ప‌వ‌న్‌క‌ల్యాణ్ అనే వ్య‌క్తితో జ‌రిగింది. డిసెంబ‌ర్ 7న తిరుప‌తిలోని ఓ ఫంక్ష‌న్ హాల్‌లో వీరి నిశ్చితార్థం జ‌రిగింది.
ఈ కార్య‌క్ర‌మానికి బిగ్‌బాస్ సీన్ 6 కాంటెస్టెంట్స్‌, బుల్లితెర న‌టీనటులు హాజ‌ర‌య్యారు. కాబోయే వ‌ధూవ‌రుల‌కు శుభాకాంక్ష‌లు తెలియ‌జేశారు. వాసంతి వివాహం చేసుకోబోతున్న ప‌వ‌న్ క‌ల్యాణ్ అనే వ్య‌క్తి కూడా ఇండ‌స్ట్రీకి అత్యంత ద‌గ్గ‌రి వ్య‌క్తే కావ‌డం విశేషం. ఇద్ద‌రు గ‌త కొంత కాలంగా ప్రేమించుకుంటున్నారు. అయితే వారి ప్రేమ‌కు ఇరు కుటుంబాల పెద్ద‌ల అంగీకారం ల‌భించింది. దీంతో వీరి ఎంగేజ్‌మెంట్ అంగ‌రంగ వైభ‌వంగ జ‌రిగింది.
వాసంతి వివాహం చేసుకోబోతున్న ప‌వ‌న్ ఇప్ప‌టికే హీరోగా రెండు సినిమాల్లో న‌టిస్తున్నాడు. ప్ర‌స్తుతం షూటింగ్ ద‌శ‌లో ఉన్న ఈ సినిమాలు త్వ‌ర‌లో ప్రేక్ష‌కుల ముందుకు రానున్నాయి. ఇక వాసంతి ఇప్ప‌టి వ‌ర‌కు ప‌లు టీవి సీరియ‌ల్స్‌లో న‌టించ‌డ‌మే కాకుండా కొన్ని వెబ్ సిరీస్‌ల‌లోనూ మెరిసింది.