Bigg Boss :  బిగ్ బాస్ లో ఆ లోటు నువ్వే తీర్చాలి.. వైల్డ్ కార్డ్ కంటెస్టెంట్ కు యాంకర్  రెక్వెస్ట్

Bigg Boss : జబర్దస్త్ కామెడీ షోతో లేడీ కమెడియన్ గా ఎనలేని గుర్తింపు తెచ్చుకుంది రోహిణి. తన మాటలు, నటనతో తెలుగు ప్రేక్షకులను గిలింతలు పెడుతున్నది. కొంతకాలంలో సినిమాల్లోనూ నటిస్తూ తెరపై నవ్వులు పూయిస్తున్నది. అయితే ఈ స్టార్ కమెడియన్ కు ఈ బిగ్ బాస్ కొత్తేం కాదు. గతంలో బిగ్‌బాస్‌ మూడో సీజన్‌లో కంటెస్టెంట్ గా తొలిసారి అడుగు పెట్టింది. హౌస్ లో ఉన్నన్నీ రోజులు ప్రేక్షకులకు కావల్సినంత వినోదాన్ని పంచినా టైటిల్ మాత్రం చేజిక్కించుకోలేకపోయింది. మూడో సీజన్ లో ప్రధాన కంటెస్టెంట్ గా బిగ్ బాస్ హౌస్ లోకి అడుగు పెట్టిన రోహిణి ఎనిమిదో సీజన్ లో మాత్రం వైల్డ్ కార్డ్ కంటెస్టెంట్ గా అడుగు పెట్టింది. ఈ సందర్భంగా బిగ్ బాస్ మాజీ కంటెస్టెంట్ శివజ్యోతి అలియాస్ సావిత్రి రోహిణికి ఆల్ ది బెస్ట్ చెబుతూ ఓ ప్రత్యేక బైట్ పంపింది. ప్రస్తుతం బిగ్ బాస్ హౌస్ లో కామెడీ అంతగా లేదని, ఆ లోటు తీర్చాలని సావిత్రి చెప్పుకొచ్చింది. బజర్దస్త్ షోలు, సినిమాలతో తన పాపులారిటీ పెంచుకున్న రోహిణి ఈసారైనా రోహిణి బిగ్ బాస్ గ్రాండ్ ఫినాలే వరకు చేరుకుంటుందా? లేదా? అనేది చూడాలి! రోహిణి తనకు జరిగిన ప్రమాదం గురించి కూడా ఫన్నీగా చెప్పుకొచ్చింది.

అనారోగ్యం పాలైనా..
రోహిణీ జబర్దస్త్ కామెడీ షోకు రాక ముందు పలు టీవీ సీరియళ్లలో నటించింది. ప్రస్తుతం టీవీ షోలు, సినిమాలు, వెబ్ సిరీసులతో ప్రేక్షకులకు మరింత దగ్గరైంది.  సేవ్‌ ది టైగర్స్‌ వెబ్‌ సిరీస్‌ తో ఒక్కసారిగా తన పాపులారిటీని అమాంతం పెంచేసుకుంది. అందులో పనిమనిషి రోల్ లో   రోహిణీ నవ్వులు పంచింది. అయితే కొద్ది రోజుల క్రితం తీవ్ర అనారోగ్యానికి గురై హాస్పిటల్ లో చేరింది ఈ లేడీ కమెడియన్. కాలికి సర్జరీ కావడంతో కొన్ని నెలల పాటు టీవీ షోలు, సినిమాలకు దూరం కావాల్సి వచ్చింది. అయితే కోలుకున్న తర్వాత  మళ్లీ తెరపై ఎంట్రీ ఇచ్చి తనలోని కామెడీని బయటకు తీసింది. పలు సినిమాలు, వెబ్ సిరీస్ లు ,చేస్తూ బిజీగా మారిపోయింది. ఇప్పుడు బిగ్ బాస్ హౌస్ లోకి వైల్డ్ కార్డ్ కంటెస్టెంట్ గా  చేరిపోయింది.

కెరీర్ ఒక్కసారిగా ఊపందుకుంటున్న సమయంలో రోహిణి ని బిగ్ బాస్ టీం ఇటీవల వైల్డ్ కార్డు కంటెస్టెంట్ గా ఎంట్రీ ఇవ్వాలని రిక్వెస్ట్ చేయగా, వెంటనే అంగీకరించింది. అలాగే రెమ్యూనరేషన్ కూడా పెద్ద మొత్తంలో డిమాండ్ చేసింది, విశ్వసనీయ వర్గాల సమాచారం ప్రకారం రోహిణికి బిగ్ బాస్ టీం వారానికి రూ. 4 లక్షలు చెల్లిస్తున్నట్లు చేస్తున్నట్లు సమాచారం. ఇక రోహిణి ఎక్కడ ఉంటే అక్కడ ఎంటర్ టైన్ మెంట్ కు ఢోకా ఉండదు. రోహిని కామెడీ టైమింగ్ నెక్స్ట్ లెవెల్ అనడంలో ఏ మాత్రం అతిశయోక్తి లేదు. ఎలాంటి టాస్క్ ఇచ్చినా పూర్తి చేయగలనని ఎంట్రీలోనే నిరూపించుకుంది. మరి రాబోయే రోజుల్లో రోహిణికి బిగ్ బాస్ ఎన్ని టాస్క్ లు ఇవ్వబోతున్నాడు, వాటిని ఆమె ఎలా అధిగమిస్తుందో చూడాల్సిందే.